Luka 6:6 - ICIGHAN BIBILO

⁶ Shi sha iyange i memen igen A nyôr ken shinagoge, A gba tesen. Tsô orgen lu keregh, u nan uma uwegh ku yanegh yô.

Luka 6:6 Iomraidhean Croise

1 Utor 13:4

Tsô, zum u tor ungwa mkaanem ma or u Aôndo, u a genger imo, a ter atse a hen Betel la yô, Yerobiam naregh uwegh nagh sha atse la, kaa er: Kôr un. Tsô uwegh nagh ku a naregh sha a na la saa nelôô, a kera fatyô u hiden a ku ga.

Sekaria 11:17

Kwagh á tser orkuranilev u dang ne u a undu iyôngo! Sanker ma a gber uwegh nagh kua ishe na i yan; uwegh nagh ku̱ uma tsong, ishe na i yan kpaa i̱ kôngor gbina.

Mateu 4:23

Tsô Yesu zende ken tar u Galilia cii, lu tesen ken ushinagoge vev, lu ôron Loho u Dedoo u tartor, lu been ior hanma injauange man shi hanma mtseenem kpaa.

Luka 13:10

A lu tesen ken shinagoge ugen sha iyange i memen.

Luka 14:3

Yesu gema ôr kwagh a mbafanatindi man Mbafarishi, kaa er: I rumun u i̱ been angev sha iyange i memen shinii?

Luka 4:16

Tsô A va ken Nasareti henpe i yese Un la. A nyôr ken shinagoge sha ieren Na sha iyange i memen; A mough A tile sha sha u Una ôr Icighanruamabera.

Luka 4:31

Tsô A va shin Kapernahum, gar u Galilia ugen, lu tesen ve sha ayange a memen.

Luka 6:1

Tsô iyange i memen igen A lu karen her atô u ishule i alakema, mbahenen Nav lu kever asagher a alakema, njighen ken ave, yan.

Luka 6:5

A kaa a ve er: Wan u or ka Ter u iyange i memen je.

YOHANE 5:3

Ken ayou la mbauangev lu keregh kpishi, lu mbaapirashe man mbakeer kua mbaumanalegh; [ve lu keghen mkpianger u mnger.

YOHANE 9:16

Tsô Mbafarishi mbagenev kaa er: Or ne due sha Aôndo ga, gadia we iyange i memen iko ga. Kpa mbagenev kaa er: Á er nan man or u nan lu orisholibo nana fatyô u eren anza a uivande mbana? Nahan ve pav iniongo ihiar.