Luka 6:48 - ICIGHAN BIBILO

⁴⁸ Nan ngu er or u maan iyou nahan, nan time za shimi, nan tim imagh sha vande. Zum u mngerem iv, ikuwan ande ta sha iyou la, i fatyô u tenger i ga, sha ci u i maa i dedoo yô.

Luka 6:48 Iomraidhean Croise

2 Samuel 22:2

A kaa er: TER ka vande wam man garutya wam, kua Oryiman wam kpaa;

2 Samuel 22:32

Gadia ka an nan lu Aôndo, saa TER tseegh gaa? Man ka an nan lu vande, saa Aôndo wase tseegh gaa?

2 Samuel 22:47

TER ngu uma; i̱ wuese Vande wam; i̱ kende Aôndo u A lu vande u myom wam ne sha!

2 Samuel 22:5

Gadia agôndoamnger a kuugh kasem, iyuhamnger i mtim ta sha a mo.

2 Samuel 23:3

Aôndo u Iserael kaa kwagh, Vande u Iserael ôr kwagh a mo: Or u hemban u a tem tor sha ior, u a tem tor, a cie Aôndo,

Upasalmi 32:6

Nahan yô, hanma or u cian Aôndo nana̱ sôn Un sha shighe u i lu pe á zua a Na yô. Mimi je, zum u uzegembamngerev vea sar avenge kpaa, vea ar her a nan ga.

Upasalmi 62:2

Ka Un tseegh A lu vande wam man myem wam kpaa ye; Un ka gôgôyou wam, me tenger yum ga.

Upasalmi 95:1

Va, sé wa nen icam i wuese TER, sé ember, sé ter nen vande u myom wase.

Anzaakaa 10:25

Zum u hiar ka una kar kera yô, iferor nan kera lu ga, kpa orperapera nan ngu er ka imagh ki tsôron nahan.

Yesaia 26:4

Suur nen sha TER gbem sha won; gadia TER AÔNDO ka vande u tsôron je.

Yesaia 28:16

Nahan yô, Ter AÔNDO ngu kaan nahan er: Nenge, M tim iwen ken Shion Mer, i̱ lu imagh, iwen i i kar i, iwen i injaa i sha zongo, i imagh ki i, ki lu dông yô; u nan ne jighjigh yô, nan kumbur sha kwagh ga.

Yesaia 59:19

Nahan vea cia iti i TER, á hii shin ityôtar je, man iengem Na kpaa hii sha iyangeiduen je; gadia Una va er iwuhamnger i tiaver, i humbe u TER a mgbegh i yô.

Nahum 1:8

Sha mngerem ma saren avenge Una tim ijiir na kera cii, man Una tôv mbaihomov Nav, Una haa ve ken ime.

Luka 6:47

Hanmô u nan ve hen Mo, nan ongo akaaôron Am, man nan eren sha mi yô, Me tese ne or u nan lu er nan yô.

Luka 6:49

Kpa u nan ungwa man nan er sha mi ga yô, nan ngu er or u nan maa iyou hen tareghnyaagh, kpa imagh ki lu ga. Ikuwanmnger i va ta sha i, i gba fese, myôhôr u iyou la kaa kpee.

YOHANE 16:33

Akaa ne M ôr ne sha u né lu a bem ken a Mo yô. Shin tar ne yô, ican ngi eren ne; kpa taver nen asema, Mo M hemba tar ne.

Aerenakaa A Mbaapostoli 14:22

Ve lu taver mbahenen asema, nyôôso ve asema er ve̱ var ken jighjigh u nan, man shi er: Ka sha atsan kpishi keng je man sé nyôr ken tartor u Aôndo ye.

Mbaefese 2:20

i maa ne sha imagh ki mbaapostoli kua uprofeti, Kristu Yesu iyol Na ka iwen i sha zongo.

Duteronomi 32:15

Kpa Yeshurun kehe, a ker apande; u kehe, u gba ikôr, u wa ahôm; tsô a gbihi Aôndo u A er un la, a laha Vande u myom na kpaa.

Duteronomi 32:18

Kpa Vande u u mar u la, u umbur u ga, Aôndo u A mar u la hungul we.

Duteronomi 32:31

Gadia vande ve ngu er Vande wase ga, mbaihomov asev ayol a ve je kpaa ve fa nahan.

WASHIKA U SHA UHAR U PAULU APOSTOLI TINDI HEN TIMOTEU - 2TI 2:19

Kpa imagh ki Aôndo ki ki tenger ga la yô, ki tile her, ki a ikav ne: Ter fa mba Nav, man shi, hanma or u nan teren iti i Ter yô, nana̱ pav a ifer.

2 Peteru 1:10

Nahan yô, anmgbianev, shi seer nôngon nen u taver a taver myila u i yila ne la man mtsough u i tsough ne la, gadia aluer ne er nahan yô, né kera nôngo gbev mayange ga.

1 Yohane 2:28

Hegen yô, mbayev av, lu nen ken a Na sha er, aluer á va pase Un yô, sé lu vangertiôr, kunya u̱ de ker se sha ishigh Nagh sha m-ande Na la ga.

Yuda 1:24

Un u A lu a agee a Una kura ne sha u né kera nôngo gbev ga shi Una ver ne né lu a acôghol iyol ga sha ishigh ki iengem Na a iember tsung je,

1 Samuel 2:2

Mô u lun wang er TER nahan nan ngu ga; gadia mô ngu ga, saa We; ma vande u lun er Aôndo wase kpaa ngu ga.