Luka 6:47 - ICIGHAN BIBILO

⁴⁷ Hanmô u nan ve hen Mo, nan ongo akaaôron Am, man nan eren sha mi yô, Me tese ne or u nan lu er nan yô.

Luka 6:47 Iomraidhean Croise

Yesaia 55:3

Ver nen ato, va nen her a Mo; ungwa nen, uma wen u ken ishima a̱ lu uma; Me ya ikur i tsôron a ven, ka mhôônom ma zungwen ma i zungu Davidi ma bunden mayange ga la.

Mateu 12:50

Gadia hanma or u nan eren ishima i Terem u A lu Sha yô, ka nan je nan lu anngôm u nomso man anngôm u kwase man ngôm kpaa ye.

Mateu 17:5

Tsô ngur ôron kwagh nahan ave je yô, ibeenegh ki iwangeregh va gba mure sha a ve; tsô imo due ken ibeenegh kila, kaa er: Ngun ka Wan Wam u ishima ishima, u ishima i doom a Na yum yô, ungwan nen Un.

Luka 11:28

Kpa A kaa er: Kpa jim yô, i saan mba ve ongo kwaghôron u Aôndo man ve eren sha mi kpaa la, iyol.

Luka 14:26

Aluer anti or nana va hen Mo, man nana kôr ter u nan ihom ga, kua ngô u nan, man kwase u nan man ônov mba nan mba nomso man mba kasev, kua uma u nan je kpaa nana kôr un ihom ga yô, nana fatyô u lun orhenen Wam ga.

Luka 6:48

Nan ngu er or u maan iyou nahan, nan time za shimi, nan tim imagh sha vande. Zum u mngerem iv, ikuwan ande ta sha iyou la, i fatyô u tenger i ga, sha ci u i maa i dedoo yô.

Luka 8:13

Mba sha ikuu mbala yô, ka mba zum u ka vea ungwa la ve rumun kwaghôron la saan saan, kpa ve kera lu a amise ga, ve na jighjigh sha anyangem kpeghee tsô, kpa shighe u imeen ia va yô, ve hide ijime.

Luka 8:8

Igen haa hen inya i dedoo; i mende, i na mtsera kwa akunduataan. Ngur ôron akaa ne nahan yô, A genger imo A kaa er: Or u nan lu a ato a ungwan yô, nana̱ ungwa.

YOHANE 10:27

Iyôngo Yam ngi ongo imo Yam, Mo kpaa M fa i, ngi dondon sha a Mo kpaa.

YOHANE 13:17

Aluer nea fa akaa ne, man nea eren sha mi yô, á saan ne iyol.

YOHANE 14:15

Aluer Mea doo ne ishima yô, né kuran atindi Am.

YOHANE 5:40

Nahan kpaa ka ne ka van her a Mo sha er ne̱ zua a uma ga.

YOHANE 6:35

Yesu kaa a ve er: Mo M ngu kwaghyan u uma; or u nana va her a Mo yô, ijen ia kera kôr nan mayange ga; man shi or u nana nam jighjigh yô, imura kpaa ia kera kôr nan mayange ga.

YOHANE 6:37

Mba Ter A nem cii, vea va her a Mo; man or u nana va hen Mo kpaa, mayange Me ta nan kera ga.

YOHANE 8:52

Tsô Mbayuda kaa a Na er: Hegen yô, se fa U ngu a jijingi u bo; Aberaham kpe kua uprofeti kpaa; man We U ngu kaan wer: Aluer or nana wa kwaghôron Wam iko yô, nana bende a ku mayange ga.

Mbaheberu 5:9

Er A hingir vough yô, A hingir itine i myom u tsôron sha ci u mba ve ongo imo Na la cii.

Yakobu 4:17

Nahan yô, or u nan fe u eren dedoo kpa nan kera er nahan ga yô, hingir isholibo je nan er ye.

1 Peteru 2:4

Va nen hen a Na, Wen u A lu iwen i i lu uma i ior yô, ve venda i, kpa hen Aôndo yô, gema ka icuwan man shi i injaa kpaa.

2 Peteru 1:10

Nahan yô, anmgbianev, shi seer nôngon nen u taver a taver myila u i yila ne la man mtsough u i tsough ne la, gadia aluer ne er nahan yô, né kera nôngo gbev mayange ga.

1 Yohane 2:29

Aluer ne fa er A lu u perapera yô, ne fa hanma or u eren perapera yô, ka Un a mar nan ye.

1 Yohane 3:7

Mbayev av, ma or nana̱ de tsumen a ven ga. Or u nan eren perapera yô, nan ngu u perapera je er Un A lu u perapera nahan.

Mpase U Yohane 22:14

Mba ve ee akondo sha u vea lu a ian sha kon u uma man shi u nyôron ken ihinda i gar la yô, saan ve iyol.