Luka 6:45 - ICIGHAN BIBILO

⁴⁵ Orinjaa ka nan due a kwagh u dedoo ken kwagh u ikoogh u ken ishima i nan je, man orbo kpaa ka nan due di a kwagh u bo ken kwagh u bo u ken ishima i nan je; gadia ka sha m-iv u ken ishima man zwa u er kwagh ye.

Luka 6:45 Iomraidhean Croise

Upasalmi 140:5

Mbagengeseyol yer kwaghhônon sha u kôron mo, kua ikor kpaa; ve wa kper sha kpegbenda, ve hônom akaa. Sela.

Upasalmi 59:12

Isholibo i ken zwa ve, ka kwaghôron u sha ityumbujôôgh ve. Yô, i̱ kôr ve sha imanger ve la, man sha ci u ityuhwanev vev man kwaghôron ve u aiegh u ve er la.

Upasalmi 59:7

Nenge, ve kaa imbwase sha zwa ve, usanker mba ve sha ityumbujôôgh; gadia ka an nana ungwa? Kape ve kaan la.

Anzaakaa 12:18

Orgen ka nan gba ôron kwagh gagh er mkuma u sanker yô, kpa nombor u orfankwagh yô, ngu ne mkpeyol.

Anzaakaa 15:23

Or ngu a iember sha mrumun u vough u sha zwa u nan, kwaghôron u a gbe sha shighe vough yô, ka a doo tsung!

Anzaakaa 4:23

Hemba kuran ishima you a akaa a u kor a cii, gadia ka ken i uma a dugh ye.

YOHANE 7:38

U nan nem jighjigh yô, uifi mba mngerem ma umam vea due ken a nan vea kuwan er icighanruamabera kaa nahan.

Aerenakaa A Mbaapostoli 5:3

Kpa Peteru kaa er: Anania, inja na nan man Satan a iv u ken ishima er u̱ er Icighan Jijingi aie, u̱ pande ishe i sule la u̱ yere?

Mbaefese 3:8

Mo u m hembe gban ijime ken uicighanmbaiorov cii yô, i nam mrumun u sha mhôôn ne u ôron atôatyev Loho u Dedoo u mngee u Kristu A ngee a akaa i gande u tôvon la,

Mbaefese 4:29

Ma kwaghôron u dang a̱ de dugh ken zwa wen ga, saa di u doon u una fatyô u maan a maa kwagh ape kwagh a gbe sha mi yô, nahan mba vea ungwa kpaa vea zua a mrumun u sha mhôôn.

Mbaefese 5:19

Ôron nen kwagh ayol a en sha upasalami man atsam man amo a gberen a ken jijingi, man dugh nen amo, waan nen Ter atsam ken asema a en.

Mbakolose 3:16

Kwaghôron u Kristu a̱ tema ken a ven gbing, tesen nen ayol a en kwagh shi waan nen ayol a en kwagh sha kwaghfan cii, shi waan nen upasalmi man atsam man gberen nen amo a ken jijingi, sughun nen Aôndo ken asema a en.

Mbakolose 4:6

Kwaghôron wen a̱ luun u doon gbem, u i we bar shi mi yô, sha u fa nen er i doo u nea ôr kwagh a hanma or yô.

Mbaheberu 8:10

Gadia ka ikuryan Yam i Me ya a ya u Iserael je ne, er ayange a ngara aa kar kera yô, kape Ter A kaa la. Me ver atindiakaa Am ken mhen ve shi ka ken asema a ve kpaa Me nger a ye. Me lu Aôndo ve ve di kpaa vea lu nongoior Wam.

Yuda 1:15

sha u Una ôr ior cii ijir; mba ve vende Aôndo la cii Una na ve ibo sha aeren a ve a vendan Aôndo la cii, a ve er ve venda Aôndo la man shi sha akaaôron a vihin cii a mbaasorabo mba ve vende Aôndo la ve lu ôron sha a na yô.