Luka 6:42 - ICIGHAN BIBILO

⁴² Shin u er nan man u fatyô u kaan a anmgbian wou wer: Anmgbian, de, m̱ dugh u anivurkon u a lu u ken ishe, man we iyol you, u nenge gungurkon u u lu u ken ishe la ga ase? We orimangeregh ne, vande dughun gungurkon ken ishe you kera, nahan man ú nenge doo doo er ú dugh anivurkon u a lu anmgbian wou ken ishe la kera ye.

Luka 6:42 Iomraidhean Croise

Anzaakaa 18:17

Or u nan vande van a ityôikaa i nan yô, ka i nenge nan a mimi, kpa or u wan ndor a nan a gema a va time kwagh u nan dedoo.

Mateu 26:75

Tsô Peteru umbur mkaanem ma Yesu kaa un la er: Ikegh ia lu a tôngo ga je tsô ú nyiman kwa tar wer, u fam ga. Tsô a due ken won, a gba za vaan tsung.

Mateu 7:3

Inja na nan man u nengen anivurkon u a lu anmgbian wou ken ishe, kpa gungurkon u u lu ken ishe you yô, u we u iko ga?

Mateu 7:4

Shin ú er nan man ú kaa a anmgbian wou wer: De, m̱ dugh u anivurkon ken ishe, man nenge, gungurkon u gem u lu u ken ishee?

Luka 13:15

Kpa Ter gema kaa a na er: Ne mbaimangerev, hanmô wen kpaa ka nan sagh bua u nan shin jaki i nan hen anar u haan ilev kwaghyan shimi sha iyange i memen, nan za na un mngerem er a̱ ma gaa?

Luka 22:32

Kpa M er msen sha ci wou sha u jighjigh wou u nan a̱ de yen ga yô; we kpaa, shighe u ú gema ishima yô, taver anmgbianev ou asema.

Luka 6:41

Inja na nan man u nengen anivurkon u a lu anmgbian wou ken ishe, kpa gungurkon u u lu u ken ishe yô, u we u iko ga?

Luka 6:43

Gadia ma kon u dedoo ngu um ityamegh ki bogh ga; man shi ma kon u bo ngu um ityamegh ki dedoo kpaa ga.

Aerenakaa A Mbaapostoli 13:10

a kaa er: We, wan u diabolo u u iv a icugh man hanma kwaghnzughul, u lu orihom u kwagh u perapera cii ne, u shi de u goom igbenda i jighilaa i Ter je gaa?

Aerenakaa A Mbaapostoli 2:38

Nahan Peteru kaa a ve er: Gema nen asema, i̱ er hanmô wen batisema ken iti i Yesu Kristu sha mde u asorabo a en, tsô né ngohol Icighan Jijingi iwua je.

Aerenakaa A Mbaapostoli 8:21

Ci wou shin kwar wou ngu sha kwagh ne je ga, gadia ishima you ngi vough sha ishigh ki Aôndo ga.

Mbaromanu 2:1

Nahan yô, we or u ka u gba nan or ibo tsô ne, wea lu nan nan kpaa u ngu a ityôkwagh i lun a ishô ga gadia kwagh u u lu nan orgen ibo sha mi la, we iyol you kpaa u ngu a ibo sha mi, gadia we u u lu nan ibo la kpaa u ngu eren akaa angara je.

2 Mbakorinte 5:18

Akaa ne cii ka hen Aôndo A dugh ye, Un u A him se a iyol Na ken Kristu, shi A ne se tom u mhim la sha ikev kpaa la.

WASHIKA U SHA UHAR U PAULU APOSTOLI TINDI HEN TIMOTEU - 2TI 2:21

Aluer or nana dugh akaa ne ken iyol i nan kera yô, nana lu ikagh ki icivirigh ki i tsegha ki, ki lu or u ki a inja kpishi yô, ki i ser ki sha ci u hanma tom u dedoo yô.

2 Peteru 1:9

Gadia u nan ban a akaa ne yô, nan ngu ashe pir, nan nengen hen ikum ikum tsô, mwanger u i wanger asorabo a nan a ngise la hungul nan kera je.