Luka 6:27 - ICIGHAN BIBILO

²⁷ Kpaa M ngu kaan ne mbaungwan mban ne Mer, doo nen a mbaihomov enev, eren nen a mba ve ker ne ihom la dedoo;

Luka 6:27 Iomraidhean Croise

1 Utor 13:6

Tsô tor gba ôron kwagh, kaa a or u Aôndo la er: Yô, sôn ase TER, Aôndo wou, A̱ zungwem mhôônom, er msen sha ci wam er m̱ shi m̱ hide a uwegh agh her yô. Tsô or u Aôndo la zamber a TER, uwegh ku tor kpaa hide her er ku lu keke nahan.

Upasalmi 7:4

aluer m or or u doon a mo iyev i ifer —mimi je, un u a gbe moughon num a mo a ityôikaa ga la, m yima un—

Anzaakaa 24:17

Zum u orihom wou nan gbe yô, de ember ga, zum u nana nôngo gbev kpaa, ishima you i̱ de ember ga,

Anzaakaa 25:2

Icivir i Aôndo yô, ka u cirin kwagh, kpa icivir i utor yô, ka u timen kwagh.

Marku 4:24

Nahan A kaa a ve er: Ver nen ishima sha kwagh u ne ongo ne. Sha ikaren i ne karen a mi ne, ka sha i á kar ne a mi ye, shi á seer ne sha mi kpaa.

Luka 23:34

Tsô Yesu kaa er: Tere, de ve, gadia ve fa kwagh u ve lu eren ne ga. Man shi ve kar akondo a Na sha ishor i eren kpaa.

Luka 6:22

Saan ne iyol zum u ior ka vea kôr ne ihom, man vea dughun ne kera, vea hee ne kpaa, man shi vea teren iti yen dang, sha ci u Wan u ôr yô.

Luka 6:35

Kpa mbaihomov enev ve̱ doo ne ishima, eren nen a ve doo doo, pwaren nen kwagh, kpa de veren nen ishima u shi ngohol kpee ga; nahan injar yen ia lu i vesen je, man né lu ônov mba Uhembansha ye; gadia Wen yô, eren dedoo a mba ve lu a ishughun ga kua mbabov kpaa.

Luka 8:15

Kpa i hen inya i dedoo yô, ka mba ve ongo kwaghôron la man ve kusu un ken ishima i mimi i dedoo man ve ume atam sha ishimawan.

Luka 8:18

Nahan yô, ver nen ishima sha m-ongo u ne ongo ne, gadia hanma or u nan lu a kwagh yô, ka nan man á na nan ye; man shi hanma or u nan lu a kwagh ga yô, kwagh u nan henen er nan ngu a mi la je kpaa, á ngohol un kera.

Luka 8:8

Igen haa hen inya i dedoo; i mende, i na mtsera kwa akunduataan. Ngur ôron akaa ne nahan yô, A genger imo A kaa er: Or u nan lu a ato a ungwan yô, nana̱ ungwa.

Aerenakaa A Mbaapostoli 10:38

ka kwagh u Yesu Ornasareti la, u Aôndo haa Un Icighan Jijingi man agee; lu zenden, eren ityom i dedoo, waren mba diabolo eren ve ican la cii, gadia Aôndo lu a Na.

Aerenakaa A Mbaapostoli 16:28

Kpa Paulu yila sha imo i taver er: De vihin iyol you ga, gadia se cii se mba heen.

Aerenakaa A Mbaapostoli 7:60

Tsô a gure inya, a genger imo taver taver er: Tere, de ne ve ibo sha isholibo ne ga! Kaan nahan yô, maa a sule.

Mbagalatia 6:10

Nahan er se lu a ian yô, se eren nen akaa a doon a ior cii, kpa jim je yô, ka mbananjighjigh.

1 Mbatesalonika 5:15

Nenge nen sha er ma or nana̱ de ôron iyev i ifer sha ifer ga. Nôngon nen sha kwagh u doon gbem je hen a ven ayol a en man shi a mbagenev cii kpaa.

3 Yohane 1:11

Orwam u doon mo ishima, de ze a kwaghbo ityô ga, saa kwagh u doon; or u nan eren kwagh u dedoo yô, ka ken Aôndo nan dugh ye; u nan eren kwagh u bo yô, nan ngu a nenge a Aôndo ga.