Luka 6:12 - ICIGHAN BIBILO

¹² Tsô sha ayange la, A due A yem sha uwo sha u za eren msen; A tsa sônon Aôndo kaka.

Luka 6:12 Iomraidhean Croise

Upasalmi 22:2

Kpash! Aôndo wam, ka a lu atetan yô, m ngor ikenge, kpa U bugh zwa ga, a lu tugh kpaa m huan ga.

Yesaia 26:9

U sar uma wam tugh tsung je, jijingi wam u ken a mo kpaa ngu keren We sha gbashima; gadia shighe u ajiraôron a Ou a lu sha won yô, mba ve tem shin tar la mba henen perapera.

Daniel 6:10

Zum u Daniel fa er i wa uwegh sha ingeren la yô, a nyôr ken iyou na, uwindou mba iyou na i sha, lu ivegher, vegher u shin Yerusalem la, a gure inya sha anu na kwa tar hanma iyange, a er msen, a na ishughun sha ishigh ki Aôndo na, er a vanden eren keke nahan.

Mateu 5:1

Tsô nengen a ikpelaior yô, A unde sha uwo; tem sha her yô, mbahenen Nav va her a Na.

Mateu 6:6

Kpa we, shighe u wea eren msen yô, nyôr ken iyou you i ken iuv, u wuhe hunda kera yô, sôn Teru u A lu ken myer la; Una ungwa imo you.

Marku 1:35

Tsô A mough sha use tugh tugh, A yem hen ijiir igen ape ma or lu ga, A za er msen ker.

Marku 3:13

Tsô A unde sha uwo, A yila mbala mba i sar Un a ve la, tsô ve va her a Na.

Marku 6:46

Ne ve gbenda kera yô, A unde sha uwo sha u za eren msen.

Luka 5:16

Kpa A undu ior A yem ken taaikôngo, A gba za eren msen.

Luka 6:11

Kpa ihundugh iv ve asema, ve gba henen ayol a ve sha kwagh u vea er a Yesu yô.

Luka 6:17

Tsô A hungwa a ve, A va tile hen ijiir i kpuun kpuun a mbahenen Nav kpishi man ikpelaior kpishi i ken Yudia cii man Yerusalem man hen kpe u zegemnger u Tiru man Shidon; ve va sha u ungwan Un man shi sha u i̱ war ve sha angev vev.

Luka 9:18

Er lu eren msen tswen nahan, mbahenen Nav lu a Na; tsô A pine ve er: Ikpelaior i kaan er, Mo M ngu ana?

Luka 9:28

Tsô shi ayange nga kar er anigheni nahan yô, A kua a Peteru man Yohane man Yakobu, A unde a ve sha uwo sha u za eren msen.

Luka 9:29

Tsô ngur eren msen yô, mlu u ishigh Nagh gema, akondo a Na kpaa kungu, engem kpaa.

YOHANE 6:3

Tsô Yesu unde sha uwo za tema sha mi a mbahenen Nav.

Mbakolose 4:2

Taver nen asema sha msen u eren, lu nen per sha mi sha ishughun.

Mbaheberu 5:7

Sha ayange a Yesu lu ken mlu u or la yô, A eren mbamsen man uzamber sha imo i genger genger man shi a mliam ashe kpaa. A sôn Un u A fatyô u yiman Un ken ku la, man i ungwa Un kpaa sha ci u mcieaôndo Na la.

1 Samuel 15:11

Gema vihim er M ver Saulu Mer a̱ tema tor yô; gadia a gema a de u dondon sha a Mo, a er sha imo Yam ga. Nahan ishima vihi Samuel; a tsa vaan a TER kaka.