Luka 5:30 - ICIGHAN BIBILO

³⁰ Kpa Mbafarishi man mbangeren vev gba ahon a mbahenen Nav, ve kaa er: Inja na nan ne ye kwagh shi ne me kwagh a mbangoholkpandegh kua mbaasorabo imôngo?

Luka 5:30 Iomraidhean Croise

Yesaia 65:5

mba ve kaan er: Tile keela, de manger a mo ga, gayô i tsegham a tsegha je. Mban yô, kam mnyim ken ihinga je, usu u u shi hian didi.

Mateu 5:46

Gadia aluer ka mba ne doo ve ishima la tsô vea doo ne ishima yô, ka nyi injar ne lu a mini? Mbangoholkpandegh kpaa kape ve eren je la gaa?

Mateu 9:11

Mbafarishi mba nengen nahan yô, ve kaa a mbahenen Nav er: Inja na nan man Ortesen wen a ye kwagh a mbangoholkpandegh man mbaasorabo imôngo?

Marku 2:16

Mbangeren man Mbafarishi kpishi kpaa dondo Un ijime, ve nenge er A lu yan kwagh a mbaasorabo kua mbangoholkpandegh imôngo yô, nahan ve kaa a mbahenen nav er: Ka nyi man A ye kwagh a mbangoholkpandegh kua mbaasorabo imôngo nahana?

Marku 7:3

Gadia Mbafarishi man Mbayuda cii ve gbaa yan kwagh ga, saa ve vande ôôn ave keng ve, sha u kuran aeren a mbayiase la.

Marku 9:16

Tsô A pine ve er: Ka nyi ne sendegh kwaghôron a mbana?

Luka 18:11

Orfarishi la tile sha, gba eren msen sha ci na iyol na sha akaa ne nahan er: Aôndo, m sugh U sha ci u m lu er ior mbagenev nahan ga yô; anza er uityusenmbaiorov man mba lun a mimi ga man mbadyarev man orngoholkpandegh ne nahan kpaa.

Luka 19:7

Mba nengen nahan yô, ve cii ve gba unun kaan er: A nyôr hen ya u or u asorabo sha u Una shi a na.

Luka 5:17

Tsô iyange igen er A lu tesen ior yô, Mbafarishi mbagenev man mbatesen atindi mba ve due ken angarev mba ken Galilia man Yudia cii man ken Yerusalem kpaa, ve tema heregh; agee a Ter lu a Na sha u been ve angev.

Luka 5:21

Tsô mbangeren man Mbafarishi gba henen, kaan er: Or u nan er kwagh u ityuhwan ne ka anti? Ka an nana fatyô u den or asorabo, saa Aôndo tseegh gaa?

Luka 7:34

Wan u or va yô, ye kwagh, shi me kwagh kpaa; yô, ne mba kaa ner: Ka or u kumbur hua sha kwaghyan, man or u eren hua sha msôr, ka huror u mbangoholkpandegh kua u mbaasorabo.

Luka 7:39

Tsô er Orfarishi u a yila Un iwer la, nenge nahan yô, a ôr kwagh ken ishima na, a kaa er: Aluer Or ne Una lu profeti je yô, ma A kav inja i kwase u a bende Un ave iyol ne, er a lu u asorabo yô.

Aerenakaa A Mbaapostoli 23:9

Nahan ayôôso mough kpishi. Mbangeren mbagenev mba ken nongo u Mbafarishi kpaa mough, tile sha gba nyiman, kaan er: Se zua a kwaghbo hen or ne ga. A lu jijingi shin ortyom u Sha man a er kwagh a na yô, ka nyi i ere?