Luka 4:7 - ICIGHAN BIBILO

⁷ Aluer Wea gure inya Wea civir mo yô, á hingir kwagh Wou cii.

Luka 4:7 Iomraidhean Croise

Upasalmi 72:11

Utor cii vea gure un inya; akuraior cii aa er un tom.

Yesaia 45:14

TER ngu kaan nahan er: Iwengeoron i Igipiti, man ikav mbi kasuav mbi Etiopia kua Mbasabea, ugôgômbaiorov la, vea per vea va her a we, vea hingir mba ou kpaa, vea dondo u ijime, vea per ken a we a mshirim iyol, vea gule sha ishigh you, vea zamber a we er: Mimi je, ka hen a we tseegh Aôndo A lu ye, mô ugen ngu ga, Aôndo ugen ngu ga.

Yesaia 46:6

Ve mba ve haa zenaria u ken ikpa hen inya, man shi ve karen azurfa sha iyôgh ki karen kwagh a min la, ka ve er tôndo a orvarenzenaria er nana̱ er aôndo a mi; maa ve gule inya ve civir!

Mateu 2:11

Tsô ve za nyôr ken iyou la, ve nenge a Wanikundan la a ngô Na Maria, ve gure inya ve civir Un, ve gema ve sagh ikav vev, ve na Un iwua: zenaria man kwaghhumandoon man mire.

Luka 17:16

a va gba inya a cir ishigh inya hen angahar a Na; ngula yô, lu or u Samaria je.

Luka 4:6

Tsô diabolo kaa a Na er: Me na U tahav mbun cii kua icivir i mbu kpaa gadia i nam mbu sha ikev; ka m na hanma or u i lum pe nan nan yô.

Luka 4:8

Kpa Yesu gema kaa a na er: I nger er: Civir Ter Aôndo wou, ka Un tseegh er Un tom ye.

Luka 8:28

Zum u a nenge a Yesu yô, a gbidye vaa, a gba Un sha ishi, a genger imo taver taver er: Ka nyi i zoughom a we Yesu, Wan u Aôndo Uhembansha? M ngu zamber a We, de eren mo ican ga.

Mpase U Yohane 22:8

Mo Yohane ne, ka mo m ongo shi m nenge akaa ne kpaa ye. Zum u m ungwa shi m nenge a yô, m gba inya m cir ishigh inya hen angahar a ortyom u Sha u a lu tesen mo akaa ne.

Mpase U Yohane 4:10

mbatamen mba ikundu kar unyiin la ve gba inya sha ishigh ki Un u A tem sha ikônough ki torough la ve civir Un u A lu uma gbem sha won la. Ve haa atsar a ve sha ishigh ki Un u A tem sha ikônough ki torough la ve kaa er:

Mpase U Yohane 5:8

Ngohol ruamabera la yô, akaauma a anyiin la man mbatamen mba ikundu kar unyiin mbala gba inya sha ishigh ki Waniyôngo, ve lu a mbaadiguve sha ave ser ser kua agbande a zenaria kpaa iv a kwaghhumandoon, ka mbamsen mba uicighanmbaiorov je la.