Luka 4:28 - ICIGHAN BIBILO

²⁸ Mba ken shinagoge la cii, asema nyoon ve tsung er ve ungwa akaa ne yô.

Luka 4:28 Iomraidhean Croise

2 Kroniku 16:10

Tsô ishima nyoon Asa a ornengenakaa la, a wa un ken gaadi, gadia ishima vihi un a na kpishi sha ci u kwagh ne. Man shi Asa er ior mbagenev ican hen shighe la kpaa.

Yeremia 38:6

Tsô ve tôô Yeremia, ve gbihi un shin ijôr i Malkia, wan u tor, i i lu ken tembe u mbakuran la; ve hungwa a Yeremia sha ikor. Shin ijôr la mngerem lu ga, lu angbiôr tseegh; nahan Yeremia hungwa shin angbiôr.

Mateu 2:16

Tsô Herode nengen er mbafankwagh mbala bume un a bume yô, ishima vihi un tsung, a tindi er, i̱ za wua mbayevnomso mba ve lu ken Betelehem kua ken ityar i i kase un la ca ca, hii sha mba ve lu anyom ahar kua mba ve yen nahan kpaa, sha inja i shighe u a time vighe vighe hen mbafankwagh la.

Luka 4:27

Sha ayange a profeti Elisha kpaa, mbaamandev lu ken Iserael kpishi, kpa i wanger mô ve môm ga, saa Naaman or u Shiria la tseegh.

Luka 4:29

Nahan ve mough, ve zenda Un, ve due a Na ken akôngo a gar, ve za a Na zan zan sha kurigôr u uwoogh henpe i maa gar ve la, sha u vea gbihi Un shin ijem yô.

Luka 6:11

Kpa ihundugh iv ve asema, ve gba henen ayol a ve sha kwagh u vea er a Yesu yô.

Aerenakaa A Mbaapostoli 5:33

Mbala mba ongo nahan yô, asema gba ve awambe je, lu ve ka wuan ve.

Aerenakaa A Mbaapostoli 7:54

Mba ongo akaa ne yô, asema gba ve awambe, ve gba yan anyi sha ci u kwagh na la.