Luka 4:25 - ICIGHAN BIBILO

²⁵ Kpa mimi je M kaan ne ne, sha ayange a Eliya la kasev mba côgholov lu ken Iserael kpishi, zum u ura kera nôô ga anyom atar man iwer ataratar, man zegejen gba sha won cii la.

Luka 4:25 Iomraidhean Croise

1 Utor 17:1

Tsô Eliya Ortishibi u hen Tishibi u ken Gileadi la, a kaa a Ahaba er: Mimi je, er TER, Aôndo u Iserael, u m til sha ishigh Nagh A lu u uma ne, avure aa kera gba ga, ura kpaa ua kera nôô ken anyom ne ga, saa sha imo yam.

Yesaia 55:8

Gadia mbamhen Av ka mbamhen enev ga, igbenda yen kpaa ka igbenda Yam ga, kape TER A kaa la.

Mateu 20:15

M ngu a ian i eren ishima yam sha kwagh wam gaa? Shin ka vihin we er mo m lu or u iwua yôô?

Luka 10:21

Hen shighe la A ember ken Icighan Jijingi, A kaa er: M ngu sughun We, Tere, Ter u Sha man tar, sha er U yer mbafankwagh man mbakavenkwagh akaa ne, kpa U gem U pase anikundanev a yô; een Tere! kape i doo U ken ishima je la.

Mbaromanu 9:15

Gadia A kaa a Mose er, Me zungwe or u M zungu nan la mhôônom man shi mhôônom maa kôrom a or u ma kerem a nan la.

Mbaromanu 9:20

We or, u ngu di nyi ve u hendan kwagh a Aôndo, kwagh u i er un a er la una fatyô u kaan a u a er un la er: Ka nyi u erem nahan, kpa?

Mbaefese 1:11

Un u se ya dyako ken a na, u i vande veren se la sha awashima u Un u A eren akaa cii sha mhen u awashima Na la.

Mbaefese 1:9

A pase se kwaghmyer u awashima Na u A wa ishima ken Kristu

Yakobu 5:17

Eliya lu or di inja i môm a vese tsô, a er msen tsung er ura u̱ de nee ga, man ura kera nôô shin tar ga, kuma anyom atar man iwer ataratar.

Mpase U Yohane 11:6

Ve yô, mba a tahav mbu cirin Sha sha er ma ura u̱ de nee sha ayange a ve lu ôron kwaghôron u profeti la ga yô, shi mba a tahav sha mnger sha u geman ma ma hingir awambe, man shi u haan hanma injacan sha tar, hanma shighe u i sar ve cii.