Luka 4:1 - ICIGHAN BIBILO

¹ Yesu kpaa, iv a Icighan Jijingi, A mough hen Yordan, A hide; tsô Icighan Jijingi yem a Na ken taaikôngo,

Luka 4:1 Iomraidhean Croise

1 Utor 18:12

Tsô aluer me karen hen we kera yô, Jijingi u TER Una tôô u, Una yem a we henpe m fe ga yô, nahan zum u me za kaa Ahaba man una fan ityô u zuan a we ga yô, una wuam je. Kpa mo wanakiriki wou m cia TER, er m lu iyev je.

1 Utor 19:4

Kpa un iyol na a yem ken ikôngo kuma zende u iyange i môm, a za tema hen itine i kon u yuniper; a lu tômon er ma un kpe; a kaa er: Kuma hegen ne; TERE, ngohol uma wam, gadia m hemba uter av ga.

Yesaia 61:1

Jijingi u Ter AÔNDO ngu sha a Mo, sha ci u TER shighem mkurem; A verem er M̱ sur mba asema a vihi ve la asema, M̱ yôô i̱ pase mbakwarev man i̱ bugh gaadi u mba i hee ve ahye la.

Esekiel 3:14

Tsô Jijingi kendem sha yem a mo; m yem a ishima i vihin, sha mtsee u jijingi wam, man uwegh ku TER lu sha a mo taveraa.

Mateu 3:16

Tsô er i er Yesu batisema kera yô, A due shin mnger fese, maa i bugh Sha man A nenge a Jijingi u Aôndo lu senen er ikungugh nahan, va tema sha a Na.

Luka 2:27

Jijingi hemen un, a nyôr ken tempel man zum u mbamaren va nyôr a Wan ve Yesu sha u vea er a Na sha ieren i tindi yô,

Luka 3:3

A va ken iningir i tar u ifi u Yordan cii, lu pasen kwagh u batisema u mgemshima sha u den asorabo;

Luka 3:38

wan u Enoshi, wan u Setu, wan u Adam, wan u Aôndo.

Luka 4:14

Nahan Yesu hire hen Galilia ken agee a Jijingi, man gwa Na samber ken iningirtar la cii.

Luka 4:18

Jijingi u Ter ngu sha a Mo, sha ci u A shighem mkurem, A tindim er M̱ yôô Loho u Dedoo hen mbaatsanev,

YOHANE 1:32

Yohane pase kwagh, kaa er: M nenge Jijingi lu senen Sha er ka ikungugh nahan, va tema sha a Na.

YOHANE 3:34

Gadia Un u Aôndo A tindi Un la, ngu ôron akaaôron a Aôndo gadia Aôndo na Un Jijingi wuee je, kar a kar ga.

Aerenakaa A Mbaapostoli 1:2

zan zan ar sha iyange i i ngohol Un Sha la; mbaapostoli mba A sange ve la, A vande kaan ve akaa sha Icighan Jijingi a ve̱ er a la; er ican Na la i bee yô,

Aerenakaa A Mbaapostoli 10:38

ka kwagh u Yesu Ornasareti la, u Aôndo haa Un Icighan Jijingi man agee; lu zenden, eren ityom i dedoo, waren mba diabolo eren ve ican la cii, gadia Aôndo lu a Na.

Aerenakaa A Mbaapostoli 8:39

Mba dugh shin mnger yô, Jijingi u Ter tôô Filibu yem a na kera, or u eren tom ken ya u tor la kera nenge a na ga, gadia a gba yemen zende na a iember.