Luka 3:16 - ICIGHAN BIBILO

¹⁶ Nahan Yohane gema kaa a ve cii er: Mo yô, M ngu eren ne batisema sha mnger, kpa u A hembem agee ngu van, u mo m kom u saghen kwange u akôvangahar a Na ga; Wen yô, Una er ne batisema sha Icighan Jijingi man sha usu kpaa.

Luka 3:16 Iomraidhean Croise

Anzaakaa 1:23

Wa nen myange wam iko, tsô me haa ne jijingi wam, me pase ne akaaôron am.

Yesaia 32:15

zan zan á haa se Jijingi u Sha man desereti una hingir sule u ikon i umen atam man sule u ikon i umen atam kpaa ia hingir er ka ikô nahan.

Yesaia 4:4

shighe u TER Una ôô hôngor u ônkasev mba Shion kera la, man Una kile awambe a Yerusalem her atô na kera, sha Jijingi u ijirigh man Jijingi u koughon kwagh kera.

Esekiel 36:25

Me mishi ne mngerem ma wang, nahan né wanger; Me wanger ne sha ihôngor yen kera cii, man sha akombo a en cii kpaa.

Sekaria 13:9

Me haa ikum i sha utar la ken usu, Me wanger ve er ka i wanger azurfa nahan, Me kar ve er ka i kar zenaria nahan; vea yila sha iti Yam, Mo kpaa Me ungwa ve; Me kaa Mer: Ka ior Av; ve kpaa vea kaa er: TER ka Aôndo wam je.

Mateu 3:11

Mo yô, m ngu eren ne batisema sha mnger u sha mgemshima tsô, kpa Un u A lu van mo ken ijime la, A hembam agee, akôvangahar a Na tsô kpaa, m kuma u me tôô a ga; Wen yô, Una er ne batisema sha Icighan Jijingi man sha usu kpaa;

Mateu 3:12

tser ngu sha uwegh Nagh, Una ese vande Na tsembelee, Una kohol uwua Na, una za ombo sha una, kpa akoo yô, Una nande sha usu u pirin mayange ga.

YOHANE 1:26

Yohane gema kaa a ve er: Mo m ngu eren batisema sha mnger, kpa Ugen tile ngu heen u ne fe Un ga yô;

YOHANE 1:27

ka u A lu van mo ken ijime je la, u kwange u akôvangahar a Na tsô kpaa m kom u me sagh ga yô.

YOHANE 1:33

Mo kpaa m vande fan Un ga; kpa Un u A tindim sha u eren batisema sha mnger la, ka Un je A kaa a mo er: Or u u nenge Jijingi Una sen sha a Na, Una tema sha a na yô, ka Un u A eren batisema sha icighan Jijingi je la.

YOHANE 7:38

U nan nem jighjigh yô, uifi mba mngerem ma umam vea due ken a nan vea kuwan er icighanruamabera kaa nahan.

Aerenakaa A Mbaapostoli 1:5

Gadia Yohane yô, er batisema sha mnger, kpa ne yô, á er ne batisema sha Icighan Jijingi, ayange kpaa kera shi ngee ga.

Aerenakaa A Mbaapostoli 10:44

Tsô Peteru ngur ôron akaa ne nahan yô, Icighan Jijingi haa sha mba ve lu ungwan kwaghôron la cii.

Aerenakaa A Mbaapostoli 2:33

Er i kende Un sha a lu ken uwegh ku yanegh ku Aôndo man er A ngohol ityendezwa i Icighan Jijingi hen Ter A haa Un yô, ka kwagh shon u ne lu nengen shi ne lu ungwan kpaa je ne.

1 Mbakorinte 12:13

Gadia se cii kpaa, ka sha Jijingi môm i er se batisema ken iyol i môm ye, shin a lu Mbayuda, shin a lu Mbagrika, shin a lu ikpan shin a lu ônov kpaa, se cii i haa se Jijingi môm, heen se iyol cii.