Luka 24:47 - ICIGHAN BIBILO

⁴⁷ man shi ka ken iti Na man á ôr kwagh u mgemshima man mde u asorabo ken akuraior cii á hii ken Yerusalem je.

Luka 24:47 Iomraidhean Croise

Genese 12:3

Mba vea ver u doo doo yô, Mo kpaa Me ver ve doo doo; or u nana wa u ifan la, Mo kpaa Me wa nan ifan; ka ken a we je akuraior a sha won cii aa zua a iveren ye.

Upasalmi 22:27

Akighir a tar cii aa umbur, aa gema aa rumun TER; icombor i akuraior cii ia gure sha ishigh You ia civir We;

Upasalmi 67:7

Aôndo Una ver se doo doo, man akighir a tar cii aa cia Un. Ngun ka sha ci u orhemen u mbawanatsam. Ka Pasalmi u Davidi. Ka icam

Upasalmi 86:9

Tere, akuraior a U er cii, aa va, aa va gure U inya, aa civir iti You kpaa.

Yesaia 11:10

Sha iyange la, mise u Yese ua lu er tuta u i tim u sha sha ci u ior; ka hen u man akuraior aa ver ishigh ye; ijiir i u i memen kpaa ia engem.

Yesaia 49:22

Ter AÔNDO ngu kaan nahan er: Nenge, Me kende uwegh Agh sha akuraior, Me tim tuta Wam sha ishigh ki akuraior, vea va a ônov ou mba nomso sha ikum, ônov ou mba kasev kpaa á tôô ve sha avande.

Yesaia 49:6

A kaa er: Kwagh ne yina sha a We sha u Ú lu Wanakiriki Wam sha u moughon a ikwe i Yakob sha, man u hiden a mba ve wer ken Iserael la, M ver Ú lu Wanakiriki Wam sha u moughon a ikwe i Yakob sha, man u hiden a mba ve wer ken Iserael la, M ver U Mer, lu iwanger i akuraior, sha u myom Wam a̱ ar zan zan ken ikighir i tar je.

Yesaia 5:4

Ka nyi i shi, i ma M er ken sule wam ve M er i ga? Er M ver ishima Mer ua ume atam a wain yô, er nan man u gem u um atam a bo?

Yesaia 52:10

TER bugh icighanwe Na sha ashe a akuraior cii; akighir a tar cii kpaa, aa nenge myom u Aôndo wase.

Yesaia 52:15

kape Una cier akuraior iyol kpishi la; utor vea kusu ijô ve sha ci Na, gadia kwagh u i lu a kaa ve ga je, vea nenge, kwagh u ve lu a ungwa ga kpaa, vea kav un.

Yeremia 31:34

Nahan hanmô ve nana kera tese or u wan ndor a nan, shin anmgbian u nan er: Fa TER ga; gadia ve cii vea fam, á hii sha u kiriki ve zan zan ar sha u vesen, kape TER A kaa ne; gadia Me de ve ifer ve, asorabo a ve kpaa Me kera seer u umbur a ga.

Daniel 9:24

I ver ulahadi akunduatargber sha ior Ou man icighangar wou, sha u been tindi u peren, man sha u been asorabo, sha u nan iwom sha ci u iferkwagh, man sha u nyôron a perapera u tsôron, man shi sha u veren ikav sha mpase u sha mnenge man kwaghôron u profeti, man sha u shighen icighanjiir u hemban la mkurem.

Hosea 11:8

Me er nan man Me de u kera Eferaim, Me er nan man Me gbihi u Iserael? Me er nan man Me de u, u hingir er Adema nahana? Me er nan man Me gema u u hingir er Seboim nahana? Ishima gemam kimi, mhôônom kôrom tsung.

Hosea 2:23

Me lôô un shin tar sha ci Wam; Me zungwe Lo-ruhama (i zungwe un mhôônom ga) Me kaa a Lo-ami (Ioravga) Mer: Ne mba ior Av. Un di una kaa er: U ngu Aôndo wam.

Mika 4:2

akuraior kpishi aa za aa kaa er: Va nen, sé za nen sha uwo u TER, hen ya u Aôndo u Yakob, sha u Una tese se igbenda Na man sha u sea zenden sha igbenda Na kpaa; gadia ka ken Shion tindi una due ye, kua kwaghôron u TER kpaa, ken Yerusalem.

Malaki 1:11

Gadia hii sha mdugh u iyange je zan zan ar henpe i mir yô, iti Yam kume ken akuraior; sha hanma ijiir kpaa mba nanden iti Yam nagh ku humandoon kua nagh ku ku lu wang kpaa; gadia iti Yam kume ken akuraior, kape TER u akum a Sha A kaa ne.

Mateu 28:19

Nahan yô, za nen, za gema nen akuraior cii a̱ hingir mbahenen, eren nen ve batisema ken iti i Ter man Wan man Icighan Jijingi.

Mateu 3:2

lu kaan er: Gema nen asema, gadia tartor u Sha mgbôghom ve.

Mateu 9:13

Kpa yem nen za hen nen inja i kwagh ne: Mo yô, ka mhôônom ma zungwen ma doom ye, ka nagh ku nan ga; gadia M va sha u Me yilan mbaperapera ga, kpa ka mbaasorabo.

Luka 13:34

Kpash! Yerusalem, Yerusalem, we u u woo uprofeti man u te mba i tindi ve her a we, awen ne! Ka acin a me je man i lum pe kohol ônov ou er ngôikegh ka a kohol ônov nav, shin akper a na nahan, kpa ne rumun ga!

Aerenakaa A Mbaapostoli 10:43

Uprofeti cii mba pasen Un er, ka ken iti Na je man hanma or u nan ne Un jighjigh yô, á de nan asorabo a nan ye.

Aerenakaa A Mbaapostoli 11:18

Mba ongo akaa ne nahan yô, ve huan ving, ve gba civir Aôndo kaan er: Atôatyev kpaa, Aôndo na a mgemshima u zan ken uma.

Aerenakaa A Mbaapostoli 13:46

Kpa Paulu man Barnaba gba ôron kwagh vangertiôr. Ve kaa er: Ka ne i gbe u á vande ôron ne kwaghôron u Aôndo kpee je ye. Kpa er ne mgbegh un her a ven kera nahan, man shi ne nenge er ne kuma uma u tsôron ga yô, nenge, se gema ishigh her atôatyev ve.

Aerenakaa A Mbaapostoli 2:38

Nahan Peteru kaa a ve er: Gema nen asema, i̱ er hanmô wen batisema ken iti i Yesu Kristu sha mde u asorabo a en, tsô né ngohol Icighan Jijingi iwua je.

Aerenakaa A Mbaapostoli 20:21

m lu pasen Mbayuda man Mbagrika kwagh u ishima i geman hen Aôndo man kwagh u jighjigh u nan Ter wase Yesu Kristu la.

Aerenakaa A Mbaapostoli 26:18

sha u ú za bugh ve ashe sha u ve̱ gema ve̱ due ken ime, ve̱ nyôr ken iwanger man shi ve̱ gema ve̱ due ken agee a Satan, ve̱ va her Aôndo yô, sha er ve̱ zua a mde u asorabo a ve man shi ve̱ zua a dyako a mba ve lu uicighanmbaiorov imôngo sha jighjigh u nan u ken a Mo la kpaa yô.

Aerenakaa A Mbaapostoli 26:20

Kpa m ôr kwagh m hii hen mba ve lu ken Damaseku man ken Yerusalem man shi ken tar u Yudia cii zan zan kua atôatyev kpaa, m kaa mer, ve̱ zamber, ve̱ gema her Aôndo, man shi ve̱ er aeren a a kom mgemshima la.

Aerenakaa A Mbaapostoli 28:28

Kwagh ne, fa nen un, myom u Aôndo ne i tindi un hen atôatyev, a yô, aa ungwa. [

Aerenakaa A Mbaapostoli 3:19

Yô, zamber nen man gema nen ishima, sha u i̱ ese asorabo a en kera, man sha u ashighe a myôhôryol a sha ishigh ki Ter kpaa a̱ va sha a ven yô;

Aerenakaa A Mbaapostoli 4:12

Man shi myom ngu ken ma or ugen kpaa ga; gadia ma iti igen i i ne ior i á yima se a mi keng yô, ngi sha won kpaa ga.

Aerenakaa A Mbaapostoli 5:31

Ka Un je Aôndo kende Un sha sha uwegh Nagh ku yanegh sha u A̱ lu Orhemen man Oryiman, sha u A̱ na Iserael mgemshima man A̱ de ve asorabo kpaa ye.

Mbaromanu 5:20

Atindi yô, gema nyôr sha mi sha u tindi u peren a̱ ngee. Kpa her ape isholibo i ngee yô, mrumun u sha mhôôn hemba ngeen cii.

Mbaefese 1:6

ka sha ci u iwuese i á wuese iengem i mrumun Na u sha mhôôn u A rumun se ken Udoonshima la.

Mbaefese 3:8

Mo u m hembe gban ijime ken uicighanmbaiorov cii yô, i nam mrumun u sha mhôôn ne u ôron atôatyev Loho u Dedoo u mngee u Kristu A ngee a akaa i gande u tôvon la,

Mbakolose 1:27

Ka ve mba i sar Aôndo pe ve̱ fa er iengem i ngeen yum i kwaghmyer ne i lu ken atôatyev yô. Inja na yô, ka Kristu ken a ven je la, ka ishimaveren keghen iengem la.

1 Yohane 2:12

M ngu ngeren ne, mbayev av, gadia i de ne asorabo a en sha ci u iti Na.