Luka 24:44 - ICIGHAN BIBILO

⁴⁴ A kaa a ve er: Angan ka akaaôron Am a M ôr ne je er M lu a ven imôngo la, Mer, ka u akaa a i nger sha a Mo ken atindiakaa a Mose man uprofeti man upasalmi á kure sha mi vough keng.

Luka 24:44 Iomraidhean Croise

Genese 14:18

Tsô Melkisedeki tor u Salem za va a bredi man wain, un lu zegepristi u Aôndo Uhembansha.

Genese 22:18

nahan akuraior a sha won cii aa zua a iveren ken tsombor wou, sha ci u, u we imo Yam iko yô.

Genese 3:15

Me ver ihom hen atô wou vea kwase man hen atô u vor wou a vor na kpaa, u ua cagh u ityough, we di kpaa ú cagh u ikishinguhar

Genese 49:10

Tôgh kua kar hen Yuda kera ga, gbough ku ortaregh kpaa kua kar hen atô u angahar a na kera ga, zan zan Un u ku lu ku Nagh la, Una va; ka Un akuraior aa ungwan imo Na ye.

Upasalmi 118:22

Iwen i mbamaan ve venda i la, ka i je, i hingir i sha zongo ye.

Yesaia 28:16

Nahan yô, Ter AÔNDO ngu kaan nahan er: Nenge, M tim iwen ken Shion Mer, i̱ lu imagh, iwen i i kar i, iwen i injaa i sha zongo, i imagh ki i, ki lu dông yô; u nan ne jighjigh yô, nan kumbur sha kwagh ga.

Yesaia 52:13

Nenge, á kpe Wanakiriki Wam iyol, á na Un icivir, á kende Un sha tsung je.

Yesaia 7:14

Nahan yô, TER iyol Na je, Una na ne ivande: Nenge, iniunkwase ia wa iyav ia mar wannomso, ia yila un iti er Imanuel.

Yesaia 9:6

Gadia i mar se Wan, i na se Wan u nomso; tarkuran ngu sha vandegh Nagh; mba yer iti Na er: Orwasenmhen u Kpilighyol, Aôndo u Ageegh, Ter u Tsôron, Wantor u Bem.

Yeremia 23:5

Nenge, ayange nga van, kape TER A kaa ne, a Me mough Davidi a Gbaa u perapera, Una tema tor, Una eren kwagh sha kwaghfan, Una ôr ijir sha mimi man Una er perapera sha tar.

Yeremia 33:14

Nenge, ayange nga van, kape TER A kaa ne, a Me kure kwaghôron u doon u M er sha ya u Iserael kua sha ya u Yuda la.

Esekiel 17:22

Ter AÔNDO ngu kan nahan er: Mo kpaa, Me tôndo gbaa sha azengel a kon u sedar u taven sha la, Me môôr un; sha azengel a na la, Me asegh gbaa u kiriki u masen hômon, Me môôr un sha uwo u taven sha tser tser;

Esekiel 34:23

Me ver orkuran môm sha a ve, nana koson ve, ka wanakiriki Wam Davidi je la, ka un una koson ve shi ka un kpaa una hingir orkuran ve ye.

Daniel 2:44

Man sha ayange a utor mbala, Aôndo u Sha Una ver tartor ugen u ua gba mayange ga yô, man shi tahav mbu u kpaa mbua hingir sha ikev i ma ikur igen ga, kpa ua hembe ityartor igen ne cii avur avur, ua tim i, kpa u yô, ua lu gbem sha won;

Daniel 7:13

M nenge ken mbampase mba utuuv, yô, nenge Or gba van sha abeen a sha aôndo, lu er ka wan u or nahan, A va zan zan A va ar hen Or u tsan sha won la, i va a Na sha ishigh Nagh.

Hosea 3:5

ken masetyô la Mbaiserael vea hide man vea ker TER, Aôndo ve, man tor ve Davidi, vea va a mciem iyol hen TER man hen erdoo Na, sha ayange a masetyô la.

Amoshi 9:11

Sha iyange la Me mough a ityumbe i Davidi i lu i yôhôl la sha, Me maa ajiir a na a hemben; Me mough a atse a na sha, Me shi Me maa un er sha ayange a tsuaa la nahan;

Sekaria 12:10

Me haa Jijingi u mhôôn man u zamber sha ya u Davidi man sha mba ve tem ken Yerusalem; man vea kenger Mo u ve komom la; vea zungwe Un er or ka nan zungwe wan u nan u môm môm nahan, asema aa vihi ve sha ci Na, er ishima ka i vihi or sha wan u nan u iunda yô.

Sekaria 13:7

Nder, we sanker, za ta sha orkuranilev Wam, sha or u a lu ijende Yam la, kape TER u akum a Sha A kaa ne. Gbidye orkuranilev, iyôngo i̱ sambe; Me naregh uwegh sha mbakiriki.

Sekaria 14:4

Sha iyange la angahar a Na aa tile sha uwo u Olev u u lu Yerusalem sha ishi, vegher u sha ityoughkitaregh la; uwo u Olev ua pav her atô, hii vegher u sha ityoughkitaregh yem shin ityôtar, zegepev una lu ken atô; vegherwo u môm una yem vegher u ken imbusutarimese, ugen di vegher u ken imbusutariyan.

Sekaria 6:12

man ôr kwagh a na kaa wer: TER u akum a Sha ngu kaan nahan er: Nenge, or u i yer iti na er Icerenkon la una due hen ijiir na, ka un una maa tempel u TER ye;

Sekaria 9:9

Ember tsung, we wankwase u Shion! Gbidye iwer we wankwase u Yerusalem; nenge, Tor wou ngu van her a we, Un ka u perapera je, man u hemban kpaa, u hiden a iyol Na ijime, A henda jaki, wan u mgbianjaki.

Numeri 21:8

Nahan TER kaa a Mose er: Er iyô, hambe sha ityô; nahan yô, hanma or u iyô i nyom nan, nana gema á kenger ngila yô, nana war.

Numeri 35:25

ior ve̱ war or u nan woo or la sha ikev i or u oron iyev i awambe, ior ve̱ hide a nan ken gar u waren ker, henpe nan yevese nan za te la; nana̱ lu ker zan zan zegepristi u i shigh un icighanmkure la a̱ kar kpen ve.

Mateu 1:22

Akaa ne cii er sha u kwagh u Ter ôr sha ikev i profeti la, a̱ kure sha mi vough, er:

Mateu 16:21

Hii hen shighe la je, Yesu hii u pasen mbahenen Nav er, ka u Una za hen Yerusalem keng je yô, Una ya ican sha akaa kpishi sha ikev i mbatamen man upristi mba tamen kua mbangeren man á wua Un, kpa sha iyange i sha utar la á nder Un.

Mateu 26:54

Tsô á er nan icighanruamabera una kure sha mi vough, u a kaa er, á er nahan keng, laa?

Mateu 26:56

Kpa kwagh ne cii er sha er uruamabera mba uprofeti ve̱ kure sha mi vough yô. Hen shighe la je, mbahenen mbala cii undu Un yevese.

Marku 9:31

gadia A lu tesen mbahenen Nav kaan a ve er: Á na Wan u or sha ikev i ior, vea wua Un yô, sha iyange isha utar la, Una nder.

Luka 21:22

gadia ayange la ka a oron iyev sha u akaa a i nger cii a̱ kure sha mi vough yô.

Luka 22:37

Gadia M ngu kaan ne, kwagh u i nger ne ka u una kure sha a Mo keng, er: I wa Un ken mbavendan atindi. Gadia kwagh u i nger sha a Mo kure sha mi je.

Luka 24:46

man A kaa a ve er: Kape i nger je la er: Kristu Una ya ican Una shi Á nder shin mbakpenev sha iyange i sha u tar la;

Luka 9:22

A kaa er: Wan u or Una ya ican sha akaa kpishi keng, mbatamen man upristi mba tamen man mbangeren vea ta Un kera, á wua Un; sha iyange i sha utar la á nder Un.

Luka 9:44

De nen, akaaôron ne a̱ nyôr ne ken ato, gadia á na Wan u or sha ikev i ior.

YOHANE 3:14

Man er Mose kende iyô sha ken taaikôngo nahan, kape Wan u or kpaa á kende Un sha keng la,

YOHANE 5:39

Ne mba timen ken icighanruamabera sha ci u ne mba henen ner, ka sha a ve man né zua a uma u tsôron ye; yô, ka ve je ve pasen kwaghwam ye.

YOHANE 5:46

Gadia aluer nea ne Mose jighjigh yô, Mo kpaa ma ne nem jighjigh gadia ka kwagh Wam je a nger ye.

Aerenakaa A Mbaapostoli 13:33

Aôndo kure i hen ônov asev zum u A nder Yesu, er i nger ken Pasalmi u sha uhar la kpaa nahan er: We, U ngu Wan Wam je; Mo M mar u nyian.

Aerenakaa A Mbaapostoli 13:40

Yô, ver nen ishima sha er kwagh u uprofeti ve kaa la a̱ de tseren ne ga yô; ve kaa er:

Aerenakaa A Mbaapostoli 2:27

Gadia Ú undu uma wam shin Hade ga, man shi U de wer Icighanor Wou la A̱ nenge a mhee mayange ga.

Aerenakaa A Mbaapostoli 3:18

Akaa a Aôndo lu tsengaôron sha kwaghôron u profeti la cii er, Kristu Na Una ya ican yô, kape A kure a vough je ne.

Aerenakaa A Mbaapostoli 7:37

Ka Mose shon je man a kaa a Mbaiserael er: Aôndo Una ver ne profeti ken anmgbianev enev er mo nahan ye.

Mbaheberu 10:1

Gadia tindi hira ngu di a mure u akaa a doon a a lu van la tsô, kera ka eev mbu akaa la jim ga. Mayange una fatyô u geman mba ve kporom la vea hingir vough sha iniav mbi shonov i môm i môm mbi i lu van a mi gbem la ga.

Mbaheberu 3:5

Mose yô, lu jighjigh ken ya Na cii, lu ortom sha u una er shiada sha akaa a á va ôr a ken hemen la.

Mbaheberu 7:1

Gadia Melkisedeki ne lu tor u Salem, lu pristi u Aôndo Uhembansha. A kohol Aberaham zum u a za hemba utor mbala, a lu hiden la, a ver un doo doo.

Mbaheberu 9:8

Sha kwagh ne yô, Icighan Jijingi lu tesen er i lu a bugh gbenda u nyôron ken icighanjiir ga er tabernakel u sha hunda hunda la a hira lu her yô.

1 Peteru 1:11

Ve lu timen er shin ka hanma shighe shin ka shighe u nanou man Jijingi u Kristu u A lu ken a ve la, A lu tesen sha mi zum u A tsengapasen atsan a Kristu man iengem i ia dondo sha mi la.

Mpase U Yohane 19:10

Nahan m gba inya, m cir ishigh inya hen angahar a na, sha u me civir un. Kpa a kaa a mo er: De eren nahan ga! M ngu ortom a we imôngo kua anmgbianev ou mba ve lu a shiada sha kwagh u Yesu la kpaa. Civir Aôndo. Gadia ka shiada u sha kwagh u Yesu a lu jijingi u akaaôron a profeti ye.