Luka 24:39 - ICIGHAN BIBILO

³⁹ Nenge nen ave Am man angahar Am, ka Mo iyol Yam je; bendem nen ave, nenge nen; gadia jijingi ngu a inyam man ikuhe er ne nengen Mo a min ne ga. [

Luka 24:39 Iomraidhean Croise

Orpasenkwagh 12:7

man vuulevu shi ua hide shin inya er i lu tsuaa nahan, jijingi kpaa una hide her Aôndo U lu na un yô.

Numeri 16:22

Kpa ve gure ve kuma ishiv inya, ve kaa er: Ahii! Aôndo u ujijingi mba uumace cii, or môm nan er kwaghbo, tsô Ú gema Ú yuwe ior cii?

Luka 23:46

Yesu kpaa yila sha imo i taver genger genger er: Tere, M na jijingi Wam sha ikev You. Kaan nahan yô, maa A sule.

Luka 24:38

Kpa A kaa a ve er: Ka nyi ishima i te ne kwe nahana? Man shi ka nyi akpelanakaa a lu ne ken ishima nahana?

Luka 24:40

Kaan nahan yô, A tese ve ave Na man angahar a Na kpaa.]

YOHANE 20:20

Kaan nahan yô, A tese ve ave Na man ihan. Nahan mbahenen ember er ve nenge a Ter.

YOHANE 20:25

Tsô mbahenen mbagenev kaa a na er: Se nenge a Ter; kpa a kaa a ve er: Saa me nenge Un a ayol a ukusa la ken ave, man shi me za hôwe wam sha ajiir a ukusa, shi me za uwegh sha ihan Na me bende ga yô, mayange me na jighjigh ga.

YOHANE 20:27

Tsô A kaa a Toma er: Naregh hôwe heen, nenge ave Am, shi naregh uwegh bendem ken ihan, de kera lu or u banen a jighjigh u nan ga, kpa lu or u nan jighjigh.

Aerenakaa A Mbaapostoli 1:3

A tese ve iyol Na uma sha akav kpishi, lu anden hen ve zan zan ayange akunduahar, lu ôron kwagh u tartor u Aôndo.

1 Mbatesalonika 5:23

Aôndo u bem iyol Na, A̱ tsegha ne wang jimin cii, ma i kor jijingi wen, man uma wen ken ishima man iyol yen cii purututu, ve̱ de lu a ma acôghol a wan iyol je ga sha m-ande u Ter wase Yesu Kristu.

Mbaheberu 12:9

Kwagh ugen yô, se lu a uter asev mba ken iyol, ve lu kôôm se, se lu ungwan imo ve man hire Ter u ujijingi la, se kera hemba ungwan imo Na man se lu uma ye gaa?

1 Yohane 1:1

Kwagh u a lu sha hiihii la je, u se ungwa, man u se nenge sha ashe ase kpaa, man u se kenger je, ave ase kpaa bende sha mi, sha kwagh u Imo i uma la—