Luka 24:27 - ICIGHAN BIBILO

²⁷ Hii sha Mose kua uprofeti cii, A gba pasen ve akaa a sha iyol Na ken Icighanruamabera cii.

Luka 24:27 Iomraidhean Croise

Genese 12:3

Mba vea ver u doo doo yô, Mo kpaa Me ver ve doo doo; or u nana wa u ifan la, Mo kpaa Me wa nan ifan; ka ken a we je akuraior a sha won cii aa zua a iveren ye.

Genese 22:18

nahan akuraior a sha won cii aa zua a iveren ken tsombor wou, sha ci u, u we imo Yam iko yô.

Genese 26:4

Me seer tsombor wou iyenge er asan a Sha nahan, Me na tsombor wou ityar ne cii; akuraior a sha won cii, aa zua a iveren ken tsombor wou;

Genese 3:15

Me ver ihom hen atô wou vea kwase man hen atô u vor wou a vor na kpaa, u ua cagh u ityough, we di kpaa ú cagh u ikishinguhar

Genese 49:10

Tôgh kua kar hen Yuda kera ga, gbough ku ortaregh kpaa kua kar hen atô u angahar a na kera ga, zan zan Un u ku lu ku Nagh la, Una va; ka Un akuraior aa ungwan imo Na ye.

Upasalmi 132:11

TER bum a Davidi sha mimi, Una gema kposo ga er: Me ver wan wou iyol you je Mer, a̱ tema sha ikônough you ki torough.

Yesaia 1:23

Atiator a ou ka mbaahendanev, akar a mbanumungbenda; hanmô ve nan soo inyaregh ki yamen ishô a mi, mba keren injar; mba er ijir i kuran ancôgholov ga, mba we kasev mba côgholov iko sha ijir kpaa ga.

Yesaia 50:6

M gema ijime Yam M na mbagbidyen, ahenge Am kpaa M na mbagbelanice; M yer ishigh Yagh kera sha u cian kunya kua azer a haan ga.

Yesaia 7:14

Nahan yô, TER iyol Na je, Una na ne ivande: Nenge, iniunkwase ia wa iyav ia mar wannomso, ia yila un iti er Imanuel.

Yesaia 8:17

Tsô me kegh TER u A yer ya u Yakob ishigh Nagh la, ka sha a Na ishimaverenkeghen yam i lu ye.

Yesaia 9:1

Ime kera ngi sha ci u un u a lu ken ican la ga. Sha ayange a ngise la A gema tar u Sebulon kua u Nafetali, hingir kwagh u iheenegh; kpa sha ayange a masetyô yô, Una civir ian i yemen shin zegemnger, yande Yordan, veghertar u akuraior la.

Esekiel 34:23

Me ver orkuran môm sha a ve, nana koson ve, ka wanakiriki Wam Davidi je la, ka un una koson ve shi ka un kpaa una hingir orkuran ve ye.

Esekiel 37:25

Vea tema ken tar u M na wanakiriki Wam Yakob la, henpe uter enev lu tema la; vea tema ken u, ve kua ônov vev man ônov mba ônov vev, gbem sha won; wanakiriki Wam Davidi kpaa una tema tor sha a ve gbem sha won.

Daniel 7:13

M nenge ken mbampase mba utuuv, yô, nenge Or gba van sha abeen a sha aôndo, lu er ka wan u or nahan, A va zan zan A va ar hen Or u tsan sha won la, i va a Na sha ishigh Nagh.

Mika 5:6

Vea kuran tar u Ashiria sha sanker kua tar u Nimrodi kpaa sha ajiir a nyôron ken u la; Una yima se sha ikev i Ashiria, zum u una va ken tar wase man una ndyar angahar ken tar wase la.

Mika 7:20

Ú tese Yakob mimi man Aberaham di erdoo, u U vande bumun a uter asev hii sha ayange a tsuaa la je yô.

Sekaria 13:7

Nder, we sanker, za ta sha orkuranilev Wam, sha or u a lu ijende Yam la, kape TER u akum a Sha A kaa ne. Gbidye orkuranilev, iyôngo i̱ sambe; Me naregh uwegh sha mbakiriki.

Sekaria 9:9

Ember tsung, we wankwase u Shion! Gbidye iwer we wankwase u Yerusalem; nenge, Tor wou ngu van her a we, Un ka u perapera je, man u hemban kpaa, u hiden a iyol Na ijime, A henda jaki, wan u mgbianjaki.

Malaki 4:2

Kpa ne mba ne cie iti Yam yô, iyange i perapera ia due ne a mbee u uange ken akper a i; né due, né tsuwe er anibuav ka ve due ken ityôr nahan.

Numeri 21:14

Ka nahan man i kaa ken Ruamabera u Ityav mbi TER er: Wahebi u ken Sufa, man upev mba Arnon,

Marku 4:34

Man gbaa ôron ve ma kwagh ga, saa sha injakwagh. Kpa A mase pasen mbahenen Nav akaa cii, ve tseegh.

Luka 24:25

Tsô A kaa a ve er: Ne mbakavenkwagh ga, mba ne timbir u nan akaa a uprofeti ve kaa la cii jighjigh ne.

Luka 24:44

A kaa a ve er: Angan ka akaaôron Am a M ôr ne je er M lu a ven imôngo la, Mer, ka u akaa a i nger sha a Mo ken atindiakaa a Mose man uprofeti man upasalmi á kure sha mi vough keng.

YOHANE 1:45

Filibu zua a Natanael, kaa a na er: Se zua a Un u Mose nger kwagh Na ken atindi, kua uprofeti kpaa ve nger kwagh Na la, ka Yesu Wan u Yosev u a lu or u Nasareti la.

YOHANE 12:41

Akaa ne Yesaia ôr sha ci u a nenge icivir Na shi a ôr kwagh Na kpaa yô.

YOHANE 5:37

Ter u A tindim la kpaa A pase kwagh Wam. Mayange ne mba a ungwa imo Na ga, shin ne mba a nenge mluyol Na kpaa ga.

YOHANE 5:39

Ne mba timen ken icighanruamabera sha ci u ne mba henen ner, ka sha a ve man né zua a uma u tsôron ye; yô, ka ve je ve pasen kwaghwam ye.

Aerenakaa A Mbaapostoli 10:43

Uprofeti cii mba pasen Un er, ka ken iti Na je man hanma or u nan ne Un jighjigh yô, á de nan asorabo a nan ye.

Aerenakaa A Mbaapostoli 3:18

Akaa a Aôndo lu tsengaôron sha kwaghôron u profeti la cii er, Kristu Na Una ya ican yô, kape A kure a vough je ne.

Aerenakaa A Mbaapostoli 3:22

Mose kpaa lu kaa er: Aôndo Ter Una ver ne profeti ken anmgbianev enev, er mo nahan; ka Un ver nen ato sha a Na sha akaa a Una ôr ne cii ye.

Aerenakaa A Mbaapostoli 3:24

Man shi uprofeti cii, hii hen Samuel kua mba ve mase van ken ijime na kpaa, mba ve ôr kwagh cii, ve yôô kwagh u ayange ne.

Aerenakaa A Mbaapostoli 7:37

Ka Mose shon je man a kaa a Mbaiserael er: Aôndo Una ver ne profeti ken anmgbianev enev er mo nahan ye.

Aerenakaa A Mbaapostoli 8:35

Filibu bugh zwa, hii hen ivurugh ki icighanruamabera kila je, gba ôron un kwagh u Yesu.

Duteronomi 1:45

Tsô ne hide ne gba vaan sha ishigh ki TER; kpa TER wa imo yen iko ga, ato tsô kpa, A ver sha a ven ga.

Duteronomi 18:15

TER, Aôndo wou, Una ver u Profeti, Una due hen atô wou ken anmgbianev ou je, er mo nahan, ka Un né ver ato sha a Na ye.

Mpase U Yohane 19:10

Nahan m gba inya, m cir ishigh inya hen angahar a na, sha u me civir un. Kpa a kaa a mo er: De eren nahan ga! M ngu ortom a we imôngo kua anmgbianev ou mba ve lu a shiada sha kwagh u Yesu la kpaa. Civir Aôndo. Gadia ka shiada u sha kwagh u Yesu a lu jijingi u akaaôron a profeti ye.