Luka 23:9 - ICIGHAN BIBILO

⁹ A pine Un akaa kpishi; kpa A bugh un zwa sha ma kwagh môm ga.

Luka 23:9 Iomraidhean Croise

Upasalmi 39:9

M huan ving, m bugh zwa ga, gadia ka We je, U er kwagh ne ye.

Yesaia 53:7

I er Un ican je, nahan kpaa A rumun er i̱ hee Un, zwa tsô kpaa A bugh ga; er waniyôngo u i ze a mi sha u za sôngon yô, man er iyôngo ka i lu ving sha ishigh ki mbatôndon i aive nahan, kape A bugh zwa Na ga la.

Mateu 27:12

Zum u upristi mba tamen man mbatamen gba wan Un akaa iyol yô, A bugh zwa sha ma kwagh ga.

Mateu 27:14

Nahan kpaa A bugh un zwa sha ma kwaghôron môm ga; nahan kpiligh gomna iyol.

Mateu 7:6

De ne nen iwa icighankwagh ga, man shi de gbihin nen igo utagbede enev sha ishi ga, sha u i̱ de ndyaren angahar sha mi, i̱ gema i̱ vihin ne iyol ga yô.

Marku 15:5

Kpa Yesu kera bugh zwa sha ma kwagh ga, nahan kpiligh Pilatu iyol.

Luka 13:32

Kpa A kaa a ve er: Yem za kaa nen icôngo la ner: M ngu dughun ujijingi mba bov, M ngu been angev, nyian man kper kpaa, sha iyange i sha utar la Me kure.

Luka 23:10

Tsô upristi mba tamen man mbangeren tile, gba norom wan Un akaa iyol tsung.

YOHANE 19:9

nahan a shi a nyôr ken ya u gomna, a kaa a Yesu er: U ngu Or u hana? Kpa Yesu bugh un zwa ga,

Aerenakaa A Mbaapostoli 8:32

Ivurugh ki icighanruamabera ki a lu ôron yô, ka ki ne er: I ulugh Un er iyôngo i i ze a mi sha u za sôngon yô, man shi er waniyôngo ka a lu ving sha ishigh ki mbatôndon un aive nahan, kape Un kpaa A bugh zwa ga la.

1 Peteru 2:23

Zum u i laha Un kpaa mayange A or iyev sha mlaha la ga, er A ya ican kpaa A ta hwa ga, kpa A gema A wa sha ikev i Un u A er ijir sha mimi la.