Luka 23:34 - ICIGHAN BIBILO

³⁴ Tsô Yesu kaa er: Tere, de ve, gadia ve fa kwagh u ve lu eren ne ga. Man shi ve kar akondo a Na sha ishor i eren kpaa.

Luka 23:34 Iomraidhean Croise

Genese 50:17

Kaa nen Yosev nahan ner: Ma u shi de anngôôv ou ibo ve, man isholibo ve, gadia ve er u kwagh u bo; yô, shi de ibo i mbatomov mba Aôndo u teru la. Tsô Yosev vaa zum u ve ôr kwagh a na la.

Upasalmi 22:18

mba karen akondo am hen ayol a ve; mba eren ishor sha riga wam.

Yesaia 53:12

Nahan Me na Un kwar a ashagbaior imôngo, Una kar ishar a mbataveryol imôngo kpaa, sha ci u A gbihi uma Na ken ku je, shi i wa Un ken mbaaferev kpaa; nahan kpaa, ka Un je A tee isholibo i ior kpishi sha iyol Na, man A shi A sôn sha ci u mbaaferev kpaa ye.

Mateu 11:25

Hen shighe la Yesu gema kaa er: M ngu sughun We, Tere, Ter u Sha man tar, sha er U yer mbafankwagh man mbakavenkwagh akaa ne, kpa U gem U pase anikundanev a yô.

Mateu 11:26

Een, Tere! Kape i doo U ken ishima je la.

Mateu 5:44

Kpa Mo yô, M kaan ne Mer: Doo nen a mbaihomov enev, man shi eren nen msen sha ci u mba ve tev ne a ican yô;

Marku 15:24

Tsô ve mande Un sha terankon, ve tôô akondo a na ve kar, ve gba eren ishor sha a, sha u fan kwagh u hanma or nana tôô yô.

Luka 22:42

A kaa er: Tere! Wea rumun yô, tôôm iyongo ne kera, nahan kpa ka ishima Yam ga, i̱ lu ishima You i̱ er ye.

YOHANE 17:9

M ngu eren msen sha ci ve; ka sha ci u tar M eren msen ga, kpa ka sha ci u mba U nem la, gadia ka mba Ou je.

YOHANE 19:11

Yesu gema kaa er: Aluer a ne u tahav mbu mbu sen sha la ga yô, ma u lu a ma tahav sha a Mo ga; nahan yô, or u nan lu nan Mo sha ikev you la, nan hemba ngun a isholibo.

Aerenakaa A Mbaapostoli 16:28

Kpa Paulu yila sha imo i taver er: De vihin iyol you ga, gadia se cii se mba heen.

Aerenakaa A Mbaapostoli 3:17

Hegen yô, anmgbianev, m fa, ka sha lan ne er kwagh ne ye, er mbavesen enev kpaa lu er nahan.

Aerenakaa A Mbaapostoli 7:60

Tsô a gure inya, a genger imo taver taver er: Tere, de ne ve ibo sha isholibo ne ga! Kaan nahan yô, maa a sule.

Mbaromanu 12:14

Veren nen mba ve tev ne a ican la dedoo. Veren nen ve dedoo de toho nen ve ga.

1 Mbakorinte 2:8

Ma or u mbavesen mba tar ne fa kwagh ne ga, gadia vea fe un yô, ma ve mande Ter u iengem la sha terankon ga.

1 Mbakorinte 4:12

Man se mba eren tom sha ican sha ave ase ayol ase. Ka a tuhwan se kpaa, se gema se naan iveren i dedoo. Ka a lu tôvon se a ican kpaa, se gba wan ishima tsô;

1 Timoteu 1:13

shin er yan m lu or u ityuhwan, man or u tôvon mbagenev a ican man shi ipilaor nahan kpaa. Kpa i zungwem mhôônom gadia m lu eren sha lan man sha jighjigh u nan ga kpaa.

1 Peteru 3:9

De kera oron iyev sha ifer ga shi de kera oron iyev sha ityuhwan kpaa ga, kpa gema veren nen a ver ior dedoo, gadia ka sha kwagh ne je i yer ne ye, sha u né ya dyako u iveren i dedoo yô.