Luka 22:43 - ICIGHAN BIBILO

⁴³ Tsô ortyom u Sha ande hen Na, gba taver Un ishima.

Luka 22:43 Iomraidhean Croise

Daniel 11:1

Mo yô, sha inyom i hiihii i Dariu Ormedia la, m tile sha u wasen un man u taver un kpaa.

Mateu 26:53

Shin u hen wer nana, Me fatyô u sônon Terem man hegen je kpaa Una tindim a akum a mbatyomov mba Shaav, á hemba pue kar uhar, gaa?

Mateu 4:11

Tsô diabolo mough hen Na kera; tsô mbatyomov mba Shaav va, va wase Un.

Mateu 4:6

kaa a Na er: Aluer Wea lu Wan u Aôndo je yô, gba ase iyol You shin inya, gadia i nger er: Una wa mbatyomov nav kwagh sha a We, sha er U̱ de te nguhar sha iwen ga yô.

Luka 22:32

Kpa M er msen sha ci wou sha u jighjigh wou u nan a̱ de yen ga yô; we kpaa, shighe u ú gema ishima yô, taver anmgbianev ou asema.

Aerenakaa A Mbaapostoli 14:22

Ve lu taver mbahenen asema, nyôôso ve asema er ve̱ var ken jighjigh u nan, man shi er: Ka sha atsan kpishi keng je man sé nyôr ken tartor u Aôndo ye.

Aerenakaa A Mbaapostoli 18:23

Er a za tsa keela ayange nga kar yô, a mough a gba zenden sha tar u Galatia man Ferigia, lu taver mbahenen cii asema.

Duteronomi 3:28

Kpa wa Yosua kwagh, a̱ er sha icihi, taver un ishima, gadia ka un una hemen ior mban, una per a ve, shi ka un una na ve vea ya dyako u tar u wea nenge a u la ye.

1 Timoteu 3:16

Mimi je, kwaghmyer u a lu sha mcivir u se civir Aôndo la, vese tsô. I pase Un ken iyol i or ken igbar, i na Un ishô ken Jijingi, mbatyomov mba Shaav nenge a Na, i pase kwagh Na ken atôatyev, i na Un jighjigh sha won, i yem a Na sha ken iengem.

Mbaheberu 1:14

Ve cii, kera ka ujijingi mba eren tom mba ka i tindin ve u za wasen mba vea ya dyako u myom la gaa?

Mbaheberu 1:6

Man zum u A lu ôron u shi nyôron a Wan Na u iunda shin tar la yô, A kaa er: Mbatyomov mba Aôndo cii, ve̱ gure inya, ve̱ civir Un.

Mbaheberu 2:17

Nahan yô, lu u i̱ er Un A̱ lu kwagh môm a anmgbianev Nav sha akaa cii keng sha u Una hingir zegepristi u zungwen mhôônom man u jighjigh kpaa sha akaa a Aôndo, sha u Una na iwom sha ci u asorabo a ior.