Luka 22:30 - ICIGHAN BIBILO

³⁰ sha u né ya kwagh, né ma kwagh sha tebul Wam man né tema sha mkônom ma torom, né ôr ijir sha ikwe i Mbaiserael i pue kar ihiar la ye.

Luka 22:30 Iomraidhean Croise

2 Samuel 19:28

Gadia ior mba hen ya u terem cii, ve lu er ior mba ve kom ku sha ishigh ki terem tor, nahan kpaa, u ver wanakiriki wou ken mbayan sha tebul wou. Nahan m shi ngu a ian i me vaa a toro?

Upasalmi 49:14

I ver ve sha ci u Sheol, er ka iyôngo nahan, ku ua lu orkuran ve; mbaperapera yô, vea tema tor sha a ve pepe; mdooashe ve kpaa, Sheol una kar a mi kera, sha er vea kera lu a ijiir i teman ga yô.

Mateu 19:28

Yesu kaa a ve er: Mimi je M ngu kaan ne, ne mba ne dondo sha a Mo ne, sha mgbe u he, zum u Wan u or Una tema sha ikônough Nagh ki torough ki engem la yô, ne kpaa, né tema sha mkônom ma torom pue kar mhar, ne ôr ikwe i Iserael i pue kar ihar la ijir.

Mateu 5:3

Saan mba ve lu mbaibanave ken jijingi la iyol, gadia tartor u Sha ka u ve je.

Mateu 8:11

Man shi M ngu kaan ne Mer, ior kpishi mba ken ityoughkitaregh man shin ityôtar kpaa, vea va, vea va tema a Aberaham man Isaka man Yakob ken tartor u Sha imôngo,

Luka 12:37

A saan mbatomov mba ter ve una va, una va kohol ve kuran la, iyol. Mimi je, M kaan ne ne, una ta ikondo uya, una ver ve hen ijiir i kwaghyan una va due ve a iwer.

Luka 14:15

Ugen ken mba ve tem ve lu yan kwagh a Na imôngo la, ongo akaa ne yô, a kaa a Na er: Á saan or u nana ya kwaghyan ken tartor u Aôndo la iyol.

WASHIKA U SHA UHAR U PAULU APOSTOLI TINDI HEN TIMOTEU - 2TI 2:12

Aluer se wa ishima yô, sé ya tor a Na imôngo. Aluer se nyiman Un yô, Un kpaa Una nyiman se.

Yakobu 1:1

Yakobu, kpan u Aôndo man u Ter Yesu Kristu ngu sughun ikwe i pue kar ihiar i i sambe la.

Mpase U Yohane 19:9

Tsô ortyom u Sha kaa a mo er: Nger wer: Mba i lehe ve iniongo i kwasehe i Waniyôngo yô, saan ve iyol. Shi a kaa a mo er: Angan ka akaaôron a Aôndo a mimi.

Mpase U Yohane 3:21

Or u nan hembe yô, Me na nana tema a Mo imôngo sha ikônough Yagh ki torough di er Mo kpaa M hembe man M tem a Terem imôngo sha ikônough Nagh ki torough nahan.

Mpase U Yohane 4:4

Man mkônom ma torom magenem ikundu kar m nyiin kase ikônough ki torough kila wa atô. Mbatamen ikundu kar unyiin tema sha mkônom ma torom mara, ve lu a akondo a pupuu iyol man atsar a zenaria lu ve sha ityou.