Luka 22:20 - ICIGHAN BIBILO

²⁰ Iyongo di kpaa nahan, er kwaghyan bee kera yô, A kaa er: Iyongo ne ka ikuryan i he i ken awambe Am a i hee sha ci wen ne.]

Luka 22:20 Iomraidhean Croise

Ekesodu 24:8

Tsô Mose tôô awambe la, mishi sha ior, a kaa er: Ka awambe a ikuryan i TER A ye a ven sha akaaôron ne cii je ne.

Yeremia 31:31

Nenge, ayange nga van, kape TER A kaa ne, a Me ya ikuryan i he a ya u Iserael kua ya u Yuda;

Sekaria 9:11

We kpaa, sha ci u awambe a ikuryan you la yô, M pase mbauikangenev ou mba ve lu shin ihungwa i lun a mngerem shimi ga la, M tuhwa.

Mateu 26:28

gadia ka awambe Am a ikuryan je ne, a i hee a sha ci u ior kpishi sha u den asorabo.

Marku 14:24

A kaa a va er: Ka awambe Am a ikuryan i he je ne, a i hee a sha ci u ior kpishi.

1 Mbakorinte 11:25

Mba ye kwaghyan kera yô, A tôô iyongo nahan vough A kaa er: Iyongo ne yô, ka Ikuryan i he i sha awambe Am. Eren nen kwagh ne sha u umbur Mo sha hanma shighe u nea maan i cii.

2 Mbakorinte 3:6

Ka Un A gem se se kom u lun mbatomov sha ikuryan i he, ka i sha kwaghngeren la ga kpa ka i ken jijingi, gadia kwaghngeren la woo a wua kpa jijingi ne a na uma.

Mbaheberu 12:24

man shi Yesu, Orhimen u ikuryan i he, man awambe a mishin a a hembe ôron kwagh u doon a a Abel la.

Mbaheberu 13:20

Aôndo u bem u A nder Ter wase Yesu Orkuranilev u tamen shin mbakpenev sha awambe a ikuryan i tsôron,

Mbaheberu 9:15

Ka sha kwagh ne A lu Orhimen u ikuryan i he ye, sha er mba i yer ve yô, ma ve zough a dyako u tsôron u i tende zwa la gadia A kpe ku sha u paan atindi a peren a ken ikuryan i tse la.

Mbaheberu 9:17

Man iceghzwa i sha dyako u karen yô, ka shighe u ku u gbe la man i lu a inja ye, ngi a inja zum u or u tseghan zwa la nan lu uma her la ga.