Luka 21:8 - ICIGHAN BIBILO

⁸ A kaa er: Ver nen ishima, i̱ de tsughun ne ga; gadia ior kpishi vea va ken iti Yam, vea kaan er: Ka mo Un je ne; man shi: Shighe mgbôghom; de ze nen a ve ityô ga.

Luka 21:8 Iomraidhean Croise

Yeremia 29:8

TER u akum a Sha, Aôndo u Iserael, ngu kaan nahan er: De rumun nen uprofeti enev mba ve lu a ven kua mbakpehenasor enev ner, ve̱ tsugh ne ga, man shi de veren nen ato sha mnyam ma cien ma ma cien ne la ga.

Mateu 24:11

Man shi uprofeti mba aiev kpishi vea za va, vea tsume a ior kpishi.

Mateu 3:2

lu kaan er: Gema nen asema, gadia tartor u Sha mgbôghom ve.

Mateu 4:17

Hen shighe la je Yesu hii u ôron kwaghaôndo, gba kaan er: Gema nen asema, gadia tartor u Sha mgbôghom ve.

Luka 17:23

Vea kaa er: Ngula keela la! Shin: Ngun heen ne! De ze nen ga, de dondon nen ve kpaa ga.

Luka 21:7

Tsô ve pine Un er: Ortesen, ka hanma shighe man akaa ne aa ere, man ka nyi ia lu ikav er shighe u akaa ne aa kuma u erene?

Luka 21:9

Man shi zum u nea ungwa kwagh u utya man ayôôso a num kpaa, de cie nen ga; gadia akaa ne aa vande eren keng je; kpa mkur yô, una lu a kuma ve ga.

YOHANE 5:43

Mo M va ken iti i Terem, kpa ne rumun Mo ga; aluer orgen nana va ken iti i nan iyol i nan yô, ka nan je né rumun nan ye.

YOHANE 8:24

Ka nahan man M kaa a ven Mer: Né kpe ken isholibo yen ye; gadia aluer ne na jighjigh ner, Mo M ngu Un ga yô, né kpe ken asorabo a en.

YOHANE 8:28

Nahan Yesu kaa er: Zum u nea kende Wan u or sha tsô né fa er M lu Un yô, man shi er M gbe eren ma kwagh sha tahav Av iyol Yam ga, kpa M er akaa er Ter a tesem yô.

1 Mbakorinte 6:9

Ne kera fa er mbaaferev vea ya dyako u tartor u Aôndo ga jee? I̱ de tsughun ne ga, mbadyarev shin mbasôronakombo shin mbavihin ivaa sha idya shin nomso mba ve yaven a ayol a ve

Mbaefese 5:6

Ma or nana̱ de kera bumen ne sha akaaôron a gbilinigh ga. Ka sha ci u akaa angan ne man iyugh i Aôndo i lu van sha ônov mba ihembeato ye.

2 Timoteu 2:3

Ne yô, ma or môm nana̱ de tsughun ne sha nyityôkwagh kpaa ga, gadia saa m-undu u hiden ijime la una vande van ve, man saa á pase or u vendan atindi, ka wan u mtim je la.

WASHIKA U SHA UHAR U PAULU APOSTOLI TINDI HEN TIMOTEU - 2TI 3:13

Kpa udangmbaiorov man mbatsughunior vea yem hemen hemen vea hemba vihin a vihi kwagh. Mba tsughun ior man ve di kpaa mba gem mba tsughun ve.

1 Yohane 4:1

Ne mbadoon mo ishima, de kera gbe nan nen hanma jijingi jighjigh tsô ga, kpa kar nen ujijingi, shin ka her Aôndo ve dugh jeo? Gadia mbaprofeti mba aiev kpishi due, mba zenden sha won.

2 Yohane 1:7

Gadia mbaicughuv kpishi due sha tar, mba pasen er Yesu Kristu va ken iyol i or ga. Ka orcugh, ka Antikristu je la.

Mpase U Yohane 1:3

Saan or u ôron akaaôron a profeti ne iyol kua mba ve ongo ve we iko sha akaa a i nger keregh la kpaa, gadia shighe mgbôghom.

Mpase U Yohane 12:9

I gbihi zegedarakon la shin inya, ka tseiyô je la, u i yer un er Diabolo man shi Satan la, u a lu tsughun tar cii la, i gbihi un shin tar shi i gbihi mbatyomov nav a na imôngo kpaa.