Luka 21:27 - ICIGHAN BIBILO

²⁷ Zum la vea nenge Wan u or Una va sha abeen, a agee a vesen kua iengem kpaa.

Luka 21:27 Iomraidhean Croise

Daniel 7:13

M nenge ken mbampase mba utuuv, yô, nenge Or gba van sha abeen a sha aôndo, lu er ka wan u or nahan, A va zan zan A va ar hen Or u tsan sha won la, i va a Na sha ishigh Nagh.

Mateu 24:30

Tsô zum la ikav i Wan u or ia due sha aôndo. Zum la akuraior a sha won cii aa ta ave sha vanger, man aa nenge a Wan u or Una lu van sha abeen a sha kwavaôndo a agee a vesen kua iengem kpaa.

Mateu 25:31

Kpa zum u Wan u or Una va sha iengem Na a mbatyomov mba Shaav cii a Na imôngo yô, zum la Una tema sha ikônough Nagh ki torough ki engem la;

Mateu 26:64

Yesu kaa a na er: U kaa tsô! Kpa M ngu kaan ne Mer; hii hegen je né nenge Wan u or Una tema ken uwegh ku yanegh ku Ageegh, man Una va sha abeen a sha kwavaôndo.

Marku 13:26

Hen shighe la, á nenge Wan u or Una va sha abeen, a agee a vesen kua iengem.

Luka 21:26

asema aa yina ior sha mcie man sha mkegh u akaa a a lu van sha won la kpaa; gadia agee a a lu Sha la aa tenger.

Mpase U Yohane 1:7

Nenge, ngu van sha abeen man hanma ashe aa nenge a Na, kua ve mba ve kuma Un la kpaa. Akuraior a sha won cii aa vaa sha ci Na. Kape i lu je la. Amen.

Mpase U Yohane 14:14

M shi m ver ashe, nenge, ibeenegh ki pupuu lu, or tema sha mi lu inja er wan u or nahan, lu a tsar u zenaria sha ityou shi lu a louji u esen tsor tsor sha uwe.