Luka 21:25 - ICIGHAN BIBILO

²⁵ Uivande vea lu sha iyange man uwer man asan, man asema aa nyian akuraior a a lu sha tar á kondo a iyol sha ci u kume u zegemnger man agôndoamnger;

Luka 21:25 Iomraidhean Croise

Upasalmi 46:3

mngerem nam, ma hura, ma kpianger, iwo i̱ tenger sha mmough na u sha imanger la. Sela.

Yesaia 13:10

Gadia asan a Sha man uzegembaiwangerev mba Shaav vea kera na iwanger ga, iyange ia wa ime sha mdugh u i, uwer kpaa ua kera ta iwanger ga.

Yesaia 17:12

Uwu! Ayôôso a ior kpishi, ve yôôso er ayôôso a zegemnger nahan; man ihuran i akuraior nga huran er ka ihuran i mngerem ma kpishim yô!

Yesaia 24:23

Zum la kunya ua kôr uwer, ua hingir nyian, iyange kpaa kunya ua kôr i; gadia TER u akum a Sha Una tema tor sha uwo u Shion kua ken Yerusalem kpaa, man sha ishigh ki mbatamen Nav yô, iengem ia lu.

Yesaia 5:30

Sha iyange la ahura á ta sha a ve er ihuran i zegemnger nahan; aluer or nana nenge shin tar yô, nana nenge a ime i ican, iwanger ia hingir ime sha ci u abeen.

Yesaia 51:15

Gadia Mo M ngu TER, Aôndo wou, ka M kpianger zegemnger, je agôndo a na a ta kume; TER u akum a Sha, ka iti Yam je la.

Yeremia 4:23

M nenge tar, man nenge, u lu dang man gbilin; m nenge Usha kpaa, iwanger ve lu ga.

Daniel 12:1

Hen shighe la Mikael, ortaregh u a nengen sha ônov mba nongo wou la, una mough á tile sha; ican ia er sha shighe la, imba i i lu a er mayange ga yô, hii sha shighe u ikurior i lu sha won, zan zan ar hen shighe ne; hen shighe la, á yima ior ou, hanma or u i nger nan ken ruamabera yô.

Mika 7:4

U hemban doon ken a ve la ngu er ka saa yô; u hemban perapera hen a ve la, hemba vihin a igyar i sha usaa; iyange i mbakuran ou, i mtsaha wou la, i va ve; hegen yô, kwagh á tser ve.

Mateu 24:29

Kpa fese je, ken masejime u ican i her ayange la yô, iyange ia wa ime, uwer kpaa ua kera wanger ga; asan aa osough sha kwavaôndo man agee a a lu sha kwavaôndo la aa tenger.

Mateu 27:45

Hii iyange sha tembe zan zan ahwa atar atetan yô, ime wa tser tar.

Marku 13:24

Kpa sha ayange la, ken masejime u ican la, iyange ia wa ime, uwer kpaa ua kera wanger ga.

Marku 13:26

Hen shighe la, á nenge Wan u or Una va sha abeen, a agee a vesen kua iengem.

Marku 15:33

Iyange i kom sha tembe yô, ime wa tser tar cii zan zan ahwa atar atetan.

Luka 21:24

Vea kpe ku u ishôm; á yem a ve uikangen hen atôatyev cii; Yerusalem kpaa atôatyev á ndyar un shin angahar zan zan shighe u atôatyev á kar kuman.

Luka 21:26

asema aa yina ior sha mcie man sha mkegh u akaa a a lu van sha won la kpaa; gadia agee a a lu Sha la aa tenger.

Aerenakaa A Mbaapostoli 2:19

Me er akaa a kpilighyol sha kwavaôndo kua uivande shin tar; awambe man usu man mnyim ma a kôndon Sha.

Mpase U Yohane 20:11

Shi m nenge zegeikôn u pupuu u tor. Un u A tema sha mi la yô, tar man Sha yevese sha ishigh Nagh kera, ian kera lu sha ci ve mape ga.