Luka 20:36 - ICIGHAN BIBILO

³⁶ Gadia vea kera fatyô u shi kpen mayange ga, gadia ka ve lu er mbatyomov mba Shaav nahan, er ônov mba Aôndo je nahan sha ci u ve lu ônov mba mnder u shin ku yô.

Luka 20:36 Iomraidhean Croise

Yesaia 25:8

Una tim ku sha won kera; Ter AÔNDO Una ese mliam sha ishiv mbi iorov cii, man shi Una hide a ilyahan sha ior Nav kera sha won cii; gadia ka TER je, A er kwagh ne ye.

Hosea 13:14

Me paa ve sha tahav mbu Sheol; Me paa ve sha ku; we ku, ka han ubombauangev ou ve lu? We, Sheol, ka han mtim wou a lu? Afanyô a vaan a yer sha ishigh Yagh.

Sekaria 3:7

TER u akum a Sha ngu kaan nahan er: Aluer ú zenden sha igbenda Yam man ú eren tom u M ne u yô, nahan ú nengen sha ya Wam man shi ú kuran ityembeya Yam, Mo kpaa Me na u ian i nyôron ken mba ve til heen ne.

Mateu 22:30

Gadia sha mnder u shin ku la mba eren kwase ga, mba ne kwase ken nom kpaa ga; kpa ka ve lu er mbatyomov mba Shaav nahan.

Marku 12:25

Gadia zum u ka a nder shin mbakpenev yô, i kera er kwase ga, man shi i kera na kwase ken nom kpaa ga, kpa ka ve lu er mbatyomov mba Shaav nahan.

Mbaromanu 8:16

Ka Jijingi iyol Na A lu eren shiada vea jijingi wase imôngo er, se mba ônov mba Aôndo ye.

1 Mbakorinte 15:26

Orihom u masetyô u á tim un kera yô, ka ku.

1 Mbakorinte 15:42

Kape mnder u shin mbakpenev kpaa, a lu la. Mba lee kwagh u a lu u hôôn yô, kpa mba gem mba nderen kwagh u a lu u hôôn ga yô.

1 Mbakorinte 15:49

Man er se lu a ibeen i or u shin inya yô, kape shi se va lu a ibeen i Or u Sha kpaa la.

Mbafilipi 3:21

Una va gema ayol a ase a icivirigh ga ne, aa hingir kposo á lu kwagh môm a iyol Na i iengem la, ka sha agee a Na a A fetyô u geman akaa cii hingir sha ikev Na la.

Mpase U Yohane 20:6

Or u nan lu a ci sha mnder u hiihii ne yô, saan nan iyol, nan ngu icighanor kpaa. Mban yô, ku u sha uhar la ngu a tahav sha a ve ga, vea gema vea lu upristi mba Aôndo man mba Kristu kpaa, vea tema tor a na imôngo sha anyom dubu la.

Mpase U Yohane 21:4

Una ese ve mliam sha ashe kera cii, ku ua kera lu ga, shin ijungwen shin mliam shin ican kpaa ia kera lu je ga, gadia akaa a tse la kar kera.

Mpase U Yohane 22:9

Kpa a kaa a mo er: De eren nahan ga. M ngu ortom a we imôngo kua anmgbianev ou kpaa, ka uprofeti je la, man shi mbala mba ve we akaaôron a ken takerada ne iko yô. Civir Aôndo.