Luka 20:17 - ICIGHAN BIBILO

¹⁷ Kpa A kenger ve, A kaa er: Kwagh u i nger heen ne inja na nana? er: Iwen i mbamaan venda i, ka i je, i hingir i sha zongo ye.

Luka 20:17 Iomraidhean Croise

Upasalmi 118:22

Iwen i mbamaan ve venda i la, ka i je, i hingir i sha zongo ye.

Yesaia 28:16

Nahan yô, Ter AÔNDO ngu kaan nahan er: Nenge, M tim iwen ken Shion Mer, i̱ lu imagh, iwen i i kar i, iwen i injaa i sha zongo, i imagh ki i, ki lu dông yô; u nan ne jighjigh yô, nan kumbur sha kwagh ga.

Sekaria 10:4

Ka ken a ve iwen i sha zongo ia due ye, imande i tenti kpaa ka ken a ve, adautya kpaa ka ken a ve, ka ken a ven kpaa hanma ortaregh nana due ye.

Sekaria 3:9

Gadia nenge, iwen i M ver sha ishigh ki Yosua la, sha iwen i môm la, ashe nga ataankarahar; nenge, Me nger ingeren i sha iwen la, kape TER u akum a Sha A kaa ne, man shi Me kar a ifer i tar ne kera sha iyange i môm.

Mateu 21:42

Yesu kaa a ve er: Shin icighanruamabera ne, ne ôr un gaa? Er: Iwen i mbamaan ve venda i la, ka i je, i hingir i sha zongo ye, ka Ter je A er kwagh ne ye, gema ka kwagh u kpilighyol sha ashe ase.

Marku 10:23

Yesu jingi yô, kaa a mbahenen Nav er: Ka ican tsô, u mba ve lu a inyaregh kpishi vea nyôr sha tartor u Aôndo.

Marku 12:10

Shin icighanruamabera ne, ne mba a ôr un gaa? er: Iwen i mbamaan venda i, ka i je, i hingir i sha zongo ye;

Marku 3:5

Tsô er A gema A jinge sha a ve a iyugh, ishima lu vihin Un sha ci u asema a ve a cighir yô, A kaa a or la er: Naregh uwegh ough; a naregh ku; tsô uwegh nagh maa hingir dedoo.

Luka 19:41

Tsô za mgbôghom, nengen a gar yô, A vaa sha ci na.

Luka 22:37

Gadia M ngu kaan ne, kwagh u i nger ne ka u una kure sha a Mo keng, er: I wa Un ken mbavendan atindi. Gadia kwagh u i nger sha a Mo kure sha mi je.

Luka 22:61

Ter gema ishigh kenger Peteru; nahan Peteru umbur kwagh u Ter lu kaa un la er: Er ikegh ia lu a tôngo nyian ga je, tsô ú nyiman kwa tar wer, u fam ga.

Luka 24:44

A kaa a ve er: Angan ka akaaôron Am a M ôr ne je er M lu a ven imôngo la, Mer, ka u akaa a i nger sha a Mo ken atindiakaa a Mose man uprofeti man upasalmi á kure sha mi vough keng.

YOHANE 15:25

Kpa i er kwagh ne sha er kwagh u i nger ken atindi a ve la, a̱ kure sha mi vough er: Ve kôrom ihom lu sha ityôikaa ga.

Aerenakaa A Mbaapostoli 4:11

Ngun ka iwen i ne mbamaan ne laha i, kpa i gema i, i hingir sha zongo yô.

Mbaefese 2:20

i maa ne sha imagh ki mbaapostoli kua uprofeti, Kristu Yesu iyol Na ka iwen i sha zongo.

1 Peteru 2:6

Gadia i nger ken icighanruamabera er: Nenge, m ngu veren icuwaniwen i injaa i sha zongo ken Shion. Or u nan ne Un jighjigh yô, nana va ahenge ga.