Luka 2:9 - ICIGHAN BIBILO

⁹ Tsô ortyom u Ter va tile hen ve, man iengem i Ter mondo kase ve, tsô mciem gba ve iyol kpishi.

Luka 2:9 Iomraidhean Croise

1 Utor 8:11

je upristi kera fatyô u tilen eren tom ga sha ci u ibeenegh kila; gadia iengem i TER iv ken iyou i TER la.

Ekesodu 16:10

Tsô er Aron lu ôron kwagh a mkohol u ior i Mbaiserael cii ave la, ve gema ashe ken desereti; tsô, nenge, icivir i TER ande sha ibeen.

Ekesodu 16:7

Pepe né nenge icivir i TER, gadia A ungwa ivever yen i ne er a TER yô; se, se mba di nyi man ne er se ivevere?

Yesaia 35:2

una mondo mgbesee, man una ember, una ember a icam zwa; á na un icivir i Lebanon kua icivir i hemban i Karmel man Sharon; vea nenge iengem i TER, icivir i hemban cii i Aôndo wase.

Yesaia 40:5

iengem i TER ia ande ken igbar, uumace cii vea nenge a i imôngo, gadia ka zwa u TER u kaa nahan ye.

Yesaia 60:1

Mough sha, ta iwanger; gadia iwanger you i va, iengem i TER kpaa ngi mondon sha a we.

Esekiel 3:23

Tsô m mough, m due, m za shin pev; man nenge, iengem i TER tile her, er ka i m vande nengen a i hen kpeifi u Cebar la nahan; tsô m gba, m kuma ityough inya.

Mateu 1:20

Kpa ngur henen sha akaa ne nahan yô, ortyom u Ter va ande her a na ken mnya, kaa er: We, Yosev, wan u Davidi, de cie u eren kwase wou Maria ne ga, gadia kwagh u a jil un ken iyol la, ka u sha Icighan Jijingi je.

Luka 1:28

Ortyom la va nyer her a na yô, kaa er: Mba sughun we, we u i rumun we sha mhôôn tsung ne, Ter ngu a we.

Luka 2:8

Mbakuranilev lu ken tar la, ve tsaan ken toho, ve kuran ilev vev tugh.

Luka 24:4

Tsô ka ngur nzughul ve yô, ior uhar tile a ve a akondo a engem.

YOHANE 12:41

Akaa ne Yesaia ôr sha ci u a nenge icivir Na shi a ôr kwagh Na kpaa yô.

Aerenakaa A Mbaapostoli 12:7

Tsô ortyom u Ter va tile hen a na, iwanger kpaa wanger ken gaadi, a kpoghol Peteru hen ihan, a nder un a kaa er: Mough sha fefa. Mshirim poso un sha ave, haa inya.

Aerenakaa A Mbaapostoli 27:23

Gadia hen tugh mbun je ortyom u Aôndo u m lu u Na, m civir Un kpaa la, a va tile a mo.

Aerenakaa A Mbaapostoli 5:19

Kpa ortyom u Ter ugen va bugh ihinda i gaadi la tugh, due a ve, kaa er:

2 Mbakorinte 3:18

Se cii se kera mba a ikondo i yisan sha ishi ga se mba nengen iengem i Ter er ka ken ijingi nahan. Mba geman se se̱ hingir er ibeen shon la nahan, hii ken iengem za a za hemen ken iengem. Ka hen Ter u A lu Jijingi la kwagh ne a dugh ye.

2 Mbakorinte 4:6

Ka Aôndo u A kaa er, iwanger i̱ wanger ken ime la, A lu tan iwanger ken asema ase ye, sha u mkav u iengem i Aôndo i sha ishigh ki Kristu la i̱ wanger se yô.

1 Timoteu 3:16

Mimi je, kwaghmyer u a lu sha mcivir u se civir Aôndo la, vese tsô. I pase Un ken iyol i or ken igbar, i na Un ishô ken Jijingi, mbatyomov mba Shaav nenge a Na, i pase kwagh Na ken atôatyev, i na Un jighjigh sha won, i yem a Na sha ken iengem.

Mbaheberu 12:21

Ivandeikaa la cier iyol je Mose kpaa kaa er, cier mo iyol yum, ikarikase gbidyem iyol.

Mpase U Yohane 18:1

Ken masetyô u akaa ne yô, m nenge ortyom u Sha ugen lu senen Sha, lu a tahav mbu vesen, tar kpaa wanger sha iengem na la.

Mpase U Yohane 20:11

Shi m nenge zegeikôn u pupuu u tor. Un u A tema sha mi la yô, tar man Sha yevese sha ishigh Nagh kera, ian kera lu sha ci ve mape ga.