Luka 2:40 - ICIGHAN BIBILO

⁴⁰ Wan la vese, taver agee, A iv a mfe; man mrumun u sha mhôôn u Aôndo lu sha a Na.

Luka 2:40 Iomraidhean Croise

Upasalmi 22:9

Kpa ka We je, lu U due a mo ken uya ye, U na, m suur je, er m lu man atumba yô.

Upasalmi 45:2

U hemba doon ashe a ônov mba iorov; akaaôron a doon nga dugh ken zwa Wou, ka nahan man Aôndo A ver U doo doo gbem sha won ye.

Luka 1:80

Wan la vese man taver a taver ken Jijingi; lu ken taaikôngo zan zan sha iyange i i ver un ken igbar sha ishigh ki Iserael la.

Luka 2:47

Mba ve lu ungwan Un cii, kpiligh ve iyol sha mkav Na man sha mbamrumun Nav kpaa.

Luka 2:52

Yesu kpaa lu yemen hemen hemen sha mfe man ivesen, man Aôndo rumun Un, ior kpaa rumun Un.

YOHANE 1:14

Man Imo la hingir or je, va tema her a vese, se kenger icivir Na, icivir la lu er ka i Wan u môm môm u Ter nahan, mgbough a mrumun u sha mhôôn man mimi kpaa.

Aerenakaa A Mbaapostoli 4:33

Man mbaapostoli er shiada sha agee je sha mnder u Ter Yesu la, man m mrumun u sha mhôôn kpaa lu sha a ve cii.

Mbaefese 6:10

Kwagh ugen yô, taver nen ken Ter sha tahav mbu agee a Na.

WASHIKA U SHA UHAR U PAULU APOSTOLI TINDI HEN TIMOTEU - 2TI 2:1

Nahan yô, we wan wam, taver ken mrumun u sha mhôôn u ken Kristu Yesu la.

Mbaajiriv 13:24

Tsô kwase la mar wannomso a ii un iti er Semson; wan la vese, TER ver un doo doo.

1 Samuel 2:18

Kpa Samuel yô, lu eren tom sha ishigh ki TER, lu wanye je, a har efodi u sha ikondo i pupuu.

1 Samuel 2:21

Nahan TER va sôr Hana, a shi a mar ônov mba nomso utar man mba kasev uhar. Samuel wanakiriki la, vese sha ishigh ki TER.

1 Samuel 2:26

Samuel wanakiriki la vese, TER kua ior kpaa rumun un.

1 Samuel 3:19

Tsô Samuel vese, TER lu a na, A rumun er ma kwaghôron Na môm a̱ gba inya mayange ga.