Luka 2:14 - ICIGHAN BIBILO

¹⁴ I̱ wuese Aôndo Sha, shin tar yô, bem a̱ lu sha ior mba i doon Un a ve la.

Luka 2:14 Iomraidhean Croise

Yesaia 44:23

Ember nen, ne Usha, gadia ka TER A er nahan ye; er nen ikenge, ne ajiir a zan a shin tar; ger nen atsam a wan, ne iwo, man we ikô, a hanma kon u kimi cii, gadia TER paa Yakob, Una pase icivir Na ken Iserael.

Yesaia 49:13

Ember nen ne Usha; we tar, ember; ger nen atsam, ne iwo; gadia TER sur ior Nav ishima, A zungwe mba Nav mba ve ye ican la mhôônom.

Yesaia 57:19

M gba atam a ityumbuzwaagh; bem, bem sha ci u u nan lu ca la kua sha ci u u nan lu ikua ikua la kpaa, kape TER A kaa la; Me sôr nan nana wanger.

Mika 5:5

Una lu bem; zum u Ashiria una nyôr ken tar wase, man zum u una ndyaren ayou a ase a tor, nahan sea ver mbakuranilev utaankaruhar man mbatarev ken ior anigheni, sha u eren num a na.

Mateu 21:9

Ikpelaior i zan Un sha hemen man i dondon Un ken ijime, ve gba genger amo, kaan er: Hosana Wan u Davidi, i̱ wuese Un u A ve ken iti i Ter la; Hosana sha Usha mba hemban gban ica la.

Luka 1:79

sha u tan sha mba ve tem ken ime man ken mure u kuugh la kpaa, man shi sha u kôôm angahar ase zan a mi sha gbenda u bem kpaa.

Luka 19:38

ve gba kaan er: I̱ wuese Tor u A ve ken iti i Ter! Bem a̱ lu Sha kua iengem sha Usha mba hemban gban ica la.

Luka 2:13

Fese nahan ikumior i Sha va kohol ortyom la, ve gba wuese Aôndo, kaan er:

Luka 2:15

Tsô mbatyomov mba undun ve, mba yemen Sha yô, mbakuranilev kaa ayol a ve er: Se za nen ken Betelehem, se za nenge nen kwagh u a er man Ter A pase se ne.

Luka 3:22

man Icighan Jijingi sen sha a Na sha inja i iyolough er ikungugh nahan; imo kpaa due Sha kaa er: We, U ngu Wan Wam u ishima ishima; ka We ishima i doom a We yum ye.

YOHANE 14:27

M ngu veren ne bem, M ngu nan ne bem Wam; M ngu nan ne, kpa ka er tar u ne nahan ga. Asema a̱ de kera te ne kwe ga, man shi de kera cie nen kpaa ga.

YOHANE 17:4

M na U icivir shin tar ne, er M kur tom u U nem wer, M̱ er la.

YOHANE 3:16

Gadia tar ne doo Aôndo ishima je, nahan A na Wan Na u môm môm la sha er anti or u nan ne Un jighjigh yô, nana̱ de timin ga kpa nana̱ zua a uma u tsôron.

Aerenakaa A Mbaapostoli 10:36

Ngun ka kwaghôron u A tindi hen Mbaiserael er A pase loho u bem ken Yesu Kristu. Un ka Ter u ior cii je.

Mbaromanu 5:1

Nahan yô, er i ne se ishô sha jighjigh u nan yô, se mba bem bem a Aôndo sha Ter wase Yesu Kristu.

Mbaefese 1:6

ka sha ci u iwuese i á wuese iengem i mrumun Na u sha mhôôn u A rumun se ken Udoonshima la.

Mbaefese 1:9

A pase se kwaghmyer u awashima Na u A wa ishima ken Kristu

Mbaefese 2:4

Kpa Aôndo ngee a mhôônom ma zungwen, ka sha dooshima Na u vesen u se doo Un ishima la man A na se uma a Kristu imôngo je

Mbaefese 2:7

Ka sha u ken ayange a a lu van ken hemen la Una pase mrumun Na u sha mhôôn u a ngee yum, a hemba sha won la, sha a vese ken Kristu Yesu.

Mbafilipi 2:11

man hanma nombor kpaa ua pase er Yesu Kristu ka Ter je sha ci u iengem i Aôndo Ter.

Mbafilipi 2:13

gadia ka Aôndo je A lu eren tom ken a ven ye, sha u kwagh u a doo Un la a̱ sar ne, shi ne̱ eren sha mi kpaa.

Mbakolose 1:20

Man er A va a bem sha awambe a sha terankon Na la yô, lu sha a Na je man Aôndo hime akaa cii a iyol Na ye, akaa a a lu shin tar man akaa a a lu Sha kpaa.

2 Timoteu 2:16

Ter wase Yesu Kristu iyol Na man Ter wase Aôndo u se doo Un ishima man A ne se msurshima u tsôron man shi ishimaverenkeghen i dedoo sha mrumun u sha mhôôn la,

Mpase U Yohane 5:13

Shi m ungwa akaa a i gbe a cii, a Sha man a shin tar man a shin atô u taregh man a shin zegemnger kpaa lu kaan er: Un u A tem sha ikônough ki torough la man Waniyôngo kpaa, ve̱ lu a iwuese man icivir man iengem man tahav gbem sha won.