Luka 19:47 - ICIGHAN BIBILO

⁴⁷ A gba tesen ken tempel ayange ayange; kpa upristi mba tamen man mbangeren man mbatamen gba keren u ma ve woo Un.

Luka 19:47 Iomraidhean Croise

Mateu 21:23

Tsô nyer ken tempel yô, upristi mba tamen man mbatamen mba nongoior la va her a Na zum u A lu tesen ave la, ve kaa er: Ka sha tahav mbu nyi man U eren akaa ne? Man ka anti nan ne U tahav mbunu?

Mateu 26:55

Hen ihwa la je Yesu kaa a ikpelaior la er: Ne va a usanker man agudô sha u va kôron Mo, er ka or u numun gbenda yôô? Hanma iyange kpaa M teman ken tempel, M tesen, kpa ne kôrom ga.

Marku 11:18

Upristi mba tamen man mbangeren mba ongo nahan yô, ve gba keren gbenda u vea wua Un yô; gadia ve lu cian Un, sha ci u ikpelaior cii, lu kpiligh ve iyol sha ityesen Na.

Marku 12:12

Tsô ve gba keren ian i vea kôr Un, kpa ve lu cian ikpelaior, gadia ve kav er A ôr injakwagh la sha a ve yô. Maa ve undu Un ve yem.

Marku 14:1

Tsô ka shin ayange ahar a iniongo i Paseka kua i bredi u i we kwa sha mi ga la, ia kuma yô, upristi mba tamen man mbangeren gba keren ian i vea kôr Un sha atseregh, vea wua Un.

Marku 14:49

M luun a ven ken tempel ayange ayange, M tesen, kpa ne kôrom ga; kpa ka u icighanruamabera a̱ kure sha mi vough.

Luka 19:48

Kpa ve zua a kwagh u vea er ga; gadia ior cii lu veren ato sha a Na, ungwan Un.

Luka 20:19

Tsô mbangeren man upristi mba tamen gba keren ian sha u vea kôr Un hen shighe la, kpa ve lu cian ikpelaior, gadia ve kav er A er injakwagh la sha a ve je yô.

YOHANE 10:39

Ve shi ve gba nôngon u vea kôr Un, kpa A war sha ikev ve kera.

YOHANE 18:20

Yesu gema kaa a na er: M ôr tar kwagh gbar gbar; man shi M tesen ken shinagoge man ken tempel keke je, ape Mbayuda cii ve kohol la, ken myer yô, M ôr ma kwagh ga.

YOHANE 7:19

Kera ka Mose lu na ne atindi gaa? man mô wen môm nan we atindi la iko ga. Ka nyi ne keren Mo a ku?

YOHANE 7:44

Mbagenev ken ve yô, lu ve ka kôron Un, kpa or môm bende Un ave iyol ga.