Luka 18:3 - ICIGHAN BIBILO

³ Gar shon la kwasecôghol kpaa lu ker, zer van hen na, kaan er: Kurem ijir sha orihom wam.

Luka 18:3 Iomraidhean Croise

Yobu 22:9

U ne kasev mba côgholov gbenda ave gbilin, akaseaveegh a ancôgholov kpaa i kever a kera.

Yobu 29:13

Iveren i or u nan mgbôghom u saan ishe la, i haa sha a mo; m er ishima i kwasecôghol i ember yagh yagh.

Yesaia 1:17

hen nen u eren kwagh u dedoo; ker nen kwagh u jighilii, yange nen ipilaor; er nen a ancôgholov dedoo, ôr nen ijir i kwasecôghol, wase nan.

Yeremia 5:28

Ve wa ahôm, ve kôngor ayol, een, ve er kwaghbo je, kar ikaa inya; mba er ijir sha mimi ga, mba eren a ancôgholov sha mimi er i̱ kpe ve iyol kpaa ga; mbaibanave kpaa mba kuren ve ijir sha mi ga.

Mateu 5:25

De num a or u yilan we ijir la fese, zum u wea lu vea na sha gbenda je yô; sha u or u yilan we ijir la a̱ de za naan we sha ikev i orjir man orjir la a̱ geman we a̱ naan sha ikev i dugwer er a̱ gbihi u ken gaadi ga.

Luka 18:2

A kaa er: Ken gar ugen orjir lu, cian Aôndo ga, or kpaa waan nan iko ga.

Luka 18:4

A zer vendan, kpa ken masetyô yô, a kaa ken ishima na er: Shin er m cie Aôndo ga, or kpaa m we iko ga,

Luka 18:5

nahan kpaa sha ci u kwasecôghol ne a zem iyol yum yô, me kure un ijir sha orihom na, sha u a̱ de kera zem iyol zan zan i̱ bundem iyol sha mve na u keke ne ga.

Duteronomi 27:19

Ifan i̱ kôr or u nan vihi ijiir i shiror shin ancôghol shin kwasecôghol. Ior cii ve̱ rumun er: Amen.