Luka 18:22 - ICIGHAN BIBILO

²² Er Yesu ungwa nahan yô, A kaa a na er: Kpa kwagh shi u môm tsô: Tôô akaa a u lu a mi la cii tee, na mbaatsanev nahan wea lu a kwagh u injaa Sha yô, va, va dondo sha a Mo.

Luka 18:22 Iomraidhean Croise

Upasalmi 27:4

M sôn TER kwagh môm tsô, ka un me ker ye, mer: Ma m lu ken iyou i TER sha ayange am cii, sha u me nenge mkomashe u TER, man me time kwagh ken tempel Na kpaa.

Mateu 19:21

Yesu kaa a na er: A lu u ka lun vough yô, za za tôô akaa a u lu a mi, tee, na mbaatsanev, tsô ú lu a kwagh u injaa Sha; yô, hide va dondo sha a Mo.

Luka 10:42

Kpa kwagh u kwagh a gbe sha mi yô, ngu môm tseegh; Maria yô, tsuwa ci u dedoo u mayange á kera tsuwe un her a na kera ga yô.

Luka 12:33

Gema nen inyaregh yenegh tee nen, na nen iwua. Kor nen akpa a inyar a a bee iyol ga la sha ci wen, ka kwagh u injaa u a lu Sha u una bee ga, ape ormbaiv nana mgbôghom a min ga, ivina kpaa ia vihi ga yô;

Luka 16:9

Man M kaan ne, kôr nen akar sha inyaregh ki ki lu perapera ga ne, sha u zum u kia kera lu ga yô, vea rumun ne ken atumbe a tsôron yô.

Luka 18:21

A kaa er: M kura angan cii er m lu iyev je.

Luka 18:23

Kpa ongo akaa ne nahan yô, ishima gba vihin un kpishi gadia lu or u lun a inyaregh kpishi.

Luka 9:23

A kaa a ve cii er: Aluer anti or a sar nan pe van a Mo ityô yô, nana̱ nyiman iyol i nan, nana̱ tôô terankon u nan ayange ayange, nana̱ dondo sha a Mo.

Mbafilipi 3:13

Anmgbianev av, mo yô, m ngu henen mer m zua a mi hingir kwagh wam ve ga, kpa kwagh u m lu eren yô, ngu môm, akaa a ken ijime la hungul mo kera m ngu naregh zan sha akaa a ken hemen la.

2 Peteru 3:8

Kpa ne mbadoon mo ishima, kwagh môm ne tsô yô, a̱ de hungul ne ga, hen Ter yô, iyange i môm ngi er anyom dubu nahan, anyom dubu di gema nga er iyange i môm nahan.