Luka 18:13 - ICIGHAN BIBILO

¹³ Kpa orngoholkpandegh la yô, tile ken ica je, rumun u kenden ashe sha tsô kpaa ga, kpa a ta uwegh sha vanger, a gba kaan er: Aôndo, zungwem mhôônom, mo orsholibo ne!

Luka 18:13 Iomraidhean Croise

2 Samuel 12:13

Davidi gema kaa a Natan er: M er TER kwaghbo. Nahan Natan kaa a Davidi er: TER de u kwaghbo wou, ú kpe ga.

2 Kroniku 33:19

Msen na u a sôn kpaa man er TER ungwa, rumun un, man asorabo na cii man M-undu u a undu mimi na la, man ajiir a taven sha a a maa a la, man Asherim kua ieev mbi a er, er a lu a hire a iyol na ijime ga la, nenge i nger a ken abaver a Hosai.

2 Kroniku 33:23

Kpa a kera hire a iyol na ijime sha ishigh ki TER, er ter na Manase lu hide a iyol na ijime nahan ga; kpa Amon ne yô, lu seer a seer ifer.

Esera 9:6

m kaa mer: Ahii! Aôndo wam, m va ahenge, kunya kôrom u kenden ishigh yagh sha a We Aôndo wam, gadia afer a ase seer je kar ityough yasegh sha, ibo yase kôndo ar Sha je.

Yobu 42:6

Ka nahan man m laha iyol yam, m zamber ken vuulevu kua ken mtwe ye.

Upasalmi 106:6

Se er isholibo di er uter asev nahan, se er sha mi ga, se er aferakaa.

Upasalmi 119:41

Uerdoo Ou ma ve ve her a mo TERE, ka myom Wou u sha ityendezwa You je la,

Upasalmi 130:7

We, Iserael, ver ishima kegh TER, gadia ka hen TER erdoo a lu ye, man hen a Na mpaa ngu wuee.

Upasalmi 25:11

Sha ci u iti You yô, TERE, dem iferkwagh yam, gadia i vese.

Upasalmi 25:7

De umbur asorabo am a m lu iyev la ga, man atindi a m lu peren la kpaa ga; umbur mo sha erdoo Wou, sha ci u mdoom Ou, TERE.

Upasalmi 40:12

Gadia atsan kasem gande u ôron; aferakaa am tserem je, m kera fatyô u nengen ga, a hemba ngeen a ice yam i sha ityou, ishima kpaa yinam.

Upasalmi 41:4

Mo m kaa mer: TERE, zungwem mhôônom; beem angev, gadia m er U isholibo.

Ekesodu 33:10

Zum u ior cii vea nengen er ityôgh ki ibeenegh ki til sha hunda u tenti yô, ior cii ve mough ve tile sha, ve gure inya hanma or hen hunda u tenti u nan.

Yesaia 1:18

Va nen ase, sé hen nen kwagh imôngo, kape TER A kaa ne; shin er asorabo a en a nyian bong, nahan kpaa aa kungu er awombo nahan; shin er a nyian er kpagh nahan kpaa aa kungu er mou nahan.

Yesaia 6:5

Tsô m kaa mer: Kwagh tserem ve, m saa ve! gadia mo m ngu or u zwa wam u hôngor yô, man m tem her atô u ior mba ijô ve i hôngor kpaa yô; gadia ashe am nenge a Tor, TER u akum a Sha.

Yesaia 66:2

Gadia akaa angan cii ka uwegh Agh ku er a ye, ka nahan man akaa angan cii a va lu ye, kape TER A kaa la; imbaor i Me ver ishima sha a nan yô, ka u nan hide a iyol i nan ijime man nan lu a jijingi u vaan afanyô, shi nan gbidye ikarikase iyol sha kwaghôron Wam yô.

Esekiel 16:63

sha u u̱ umbur man u̱ va ahenge, man u̱ kera seer u bughun zwa wou ga, sha ci u kunya wou, zum u M de u akaa a ou a u er cii yô, kape Ter AÔNDO A kaa ne.

Daniel 9:5

se er isholibo, se er kwagh u dang, se er ifer, se hendan kpaa, se kaha se undu atindi a Ou man ajiraôron a Ou kpaa;

Mateu 10:3

man Filibu kua Bartolomeu; man Toma man Mateu, orngoholkpandegh la, kua Yakobu, wan u Alefeu, man Tadeu;

Mateu 6:5

Man shighe u wea eren msen yô, de luun er mbaatsereghev nahan ga; gadia ka i doo ve u tilen eren msen ken ushinagoge man sha akahar a akômaigbinda sha u ior ve̱ nenge a ve yô. Mimi je M kaan ne ne, ve ngohol injar ve kera ve.

Mateu 9:13

Kpa yem nen za hen nen inja i kwagh ne: Mo yô, ka mhôônom ma zungwen ma doom ye, ka nagh ku nan ga; gadia M va sha u Me yilan mbaperapera ga, kpa ka mbaasorabo.

Marku 11:25

Man hanma shighe u nea tile u eren msen, man ma kwagh una vihi ne a orgen yô, de nen nan kwagh la, sha u Ter wen u A lu Sha la kpaa, A̱ de ne akaabo a en yô.

Luka 17:12

Nyer hen wangar ugen yô, mbaamandev pue va kohol Un; ve tile ica.

Luka 22:41

A undu ve ica kuma er ka i ker iwen i za gba nahan; A gure inya, A er msen,

Luka 23:48

Man shi ikpelaior cii i i kohol sha u nengen kwagh la, mba nengen akaa a a er la yô, ve hire, ve gba tan ave vanger.

Luka 5:8

Er Shimon Peteru nenge nahan yô, a gure Yesu hen anu, a kaa er: Due hen mo kera, Tere, gadia mo m ngu or u isholibo je.

Aerenakaa A Mbaapostoli 2:37

Tsô, zum u ve ungwa kwagh ne nahan yô, sôô ve ken ishima, nahan ve kaa a Peteru kua mbaapostoli mbagenev er: Ne anmgbianev, tsô sé er nana?

Mbaromanu 5:8

Kpa Aôndo tese se dooshima Na sha ku u Kristu A kpe sha ci wase er se lu mbaasorabo her la.

2 Mbakorinte 7:11

Gayô nenge imbaishima i veren i ken ven ne, ka ishima i vihin i i dugh her Aôndo la i ne ne i ye, man shi iyolpalegh man mvihi u kwagh a vihi ne ishima la man mciem, man gbashima man ishima i tseen man mtsaha u nan cii. Gadia sha hanma gbenda cii ne tese er ne lu a ibo sha kwagh ne ga yô.

1 Timoteu 1:15

Kwaghôron ne ka u jighjigh, a kuma u rumun un a ishima i môm er Kristu Yesu va shin tar sha u yiman mbaasorabo, man ken ve yô, ka mo m hembe ye.

Mbaheberu 4:16

Nahan yô, se kporom nen hen ikônough ki torough ki mhôôn vangertiôr sha u sé ngohol mhôônom ma zungwen man shi i̱ rumun se sha mhôôn, i̱ wase se sha shighe vough.

Mbaheberu 8:12

Gadia Me zungwe mhôônom sha afer a ve, asorabo a ve la kpaa Me kera umbur a je ga.