Luka 18:1 - ICIGHAN BIBILO

¹ A shi A ôr ve injakwagh sha u tesen er doo u taver ishima u eren msen zumbee, gban uwer ga.

Luka 18:1 Iomraidhean Croise

Upasalmi 102:17

A ungwa msen u mba ve lu a orjime ga yô, A laha msen ve je ga.

Upasalmi 27:13

M na jighjigh mer me nenge mdoom ma TER ken tar u mbaumav.

Upasalmi 65:2

We, u U ongo msen, ka hen a We man uuma cii vea va ye.

Upasalmi 86:3

Tere, zungwem mhôônom, gadia m zeren yilan We iyange jimin cii.

Yesaia 40:31

nahan kpaa, mba ve veren ashe sha TER yô, vea hide a agee a ve her; vea kôndo sha sha akper er ugafa nahan; vea yevese, kpa vea vôr ga; vea zende, kpa iyol ia kpe ve ga.

Yesaia 62:7

man de deen nen Un kpaa ga, zan zan tsô Una taver Yerusalem man Una gema un á hingir kwagh u iwuese sha won.

Yeremia 29:12

Nahan né vaa a Mo, man né za, né za sônom man Mo kpaa Me ver ato her a ven.

Yona 2:7

Zum u uma wam hume ken a mo yô, m umbur TER; msen wam kpaa za nyôr her a We ken icighantempel Wou.

Luka 11:10

Gadia hanmô u nan sen yô, nan ngohol; u nan keren kpaa, nan zough a mi u nan manden wegh kpaa á bugh nan.

Luka 21:36

Nahan kuran nen shi eren nen msen hanma shighe cii, sha er né kuma u waren akaa a á va er la cii, man né tile sha ishigh ki Wan u or yô.

Mbaromanu 12:12

Ember nen sha ishimaverenkeghen, waan nen ishima ken ican, taver nen ishima sha msen u eren.

2 Mbakorinte 4:1

Nahan yô, er se lu a tom ne sha mhôônom ma i zungu se la yô, asema kera nga yinan se ga.

Mbagalatia 6:9

Sé gba nen uwer u eren akaa a dedoo ga, gadia shighe á va kuma yô, sé sunda aluer se yina ishima ga yô.

Mbaefese 6:18

Eren nen msen hanma shighe ken Jijingi sha hanma msen man mzamber cii. Luun nen per sha mi sha ishima i taver man sha mzamber sha ci u uicighanmbaiorov cii,

Mbafilipi 4:6

Ishima i̱ de nyian ne sha ma kwagh ga, kpa akaa a a gbe ne la, Aôndo A̱ fa a ken hanma kwagh cii sha msen man sha mzamber a ishughun,

Mbakolose 4:12

Epafera, kpan u Kristu Yesu u a lu or u ken a ven la ngu sughun ne. Ngu eren msen sha gbashima sha ci wen gbem sha u né tile né lu vough né kera tenger ga sha u eren ishima i Aôndo cii.

Mbakolose 4:2

Taver nen asema sha msen u eren, lu nen per sha mi sha ishughun.

1 Mbatesalonika 5:17

Eren nen msen gbem.

1 Samuel 1:12

Tsô, er a ngôôr, a lu eren msen sha ishigh ki TER nahan yô, Eli nenge un sha zwa.