Luka 17:6 - ICIGHAN BIBILO

⁶ Tsô Ter kaa er: Nea lu a jighjigh u nan sha inja i ishange i masetadi yô, ma ne kaa a itine i sukamino ne ner: Môgh, i môôr we shin zegemnger! Kpa ma i rumun imo yen.

Luka 17:6 Iomraidhean Croise

Mateu 14:29

A kaa er: Va! Tsô Peteru due shin tsô, gba zenden sha kwavmnger zan hen Yesu.

Mateu 17:20

Yesu kaa a ve er: Ka sha ci u myina u jighjigh wen u nan; gadia ka mimi je M kaan ne ne, aluer nea lu a jighjigh u nan sha inja i ishange i masetadi yô, ma ne kaa a uwo ne ner: Mough heen, hire keela, kpa ma u mough; man ma kwagh u ne fatyô u eren un ga yô, una kera lu ga.

Mateu 21:21

Yesu gema kaa a ve er: Mimi je M kaan ne, aluer ne lu a jighjigh u nan man né ta akpelan ga yô, ka kwagh u a er tur ne nahan tseegh né er ga, kpa á lu uwo ne je kpaa, né kaa u ner: Mough, gba shin zegemnger kpaa á lu nahan je.

Marku 4:31

Ngu er ishange i masetadi i or ka nan lôô i shin inya la yô, i hemba ndahar a asangeakaa a sha won cii;

Marku 9:23

Yesu kaa a na er: Aluer wea fatyô yô, akaa cii a kôrcio hen or u nan ne jighjigh la.

Luka 13:19

Ngu er ishange i masetadi i or ka nan tôô, nan ta ken sule u nan; i mende i hingir kon, inyon i sha i va i va wa aya sha agbaa a na.

Luka 17:7

Kpa ka anti ken a ven aluer nana lu a or u shiren nan u kahan sule, shin u kuran ilev, man una za kur ken ityev yô, nana kaa a na er: Va hegen, va tema kwaghyan ase?

Luka 19:4

Tsô a kar sha hemen ayem, a za unde sha kon u tur sha u una nenge a na, gadia lu gbenda u Una kar je la.

Luka 7:13

Er Ter nenge a Na yô, mhôônom kôr Un a na, A kaa a na er: De vaan ga.

Luka 7:19

Nahan Yohane yila mbahenen nav uhar, tindi ve hen Ter, kaa er: Ka We Un u U lu van ne, shin se̱ ver ashe sha ugene?

1 Mbakorinte 13:2

Aluer i nam u ôron kwaghôron u profeti man mea fa akaamyer cii man kwaghfan cii kpaa, man mea lu a jighjigh u nan je una kuma u moughon a iwo, kpa mea lu a dooshima ga yô, m ngu ma kwagh je ga.