Luka 17:3 - ICIGHAN BIBILO

³ Ver nen ishima sha ayol a en. Aluer anmgbian wou una er kwaghbo yô, yange un; aluer una gema ishima yô, de un kwaghbo na.

Luka 17:3 Iomraidhean Croise

Upasalmi 141:5

De orperapera nana̱ gbidyem, á lum kwagh u dedoo, nana̱ zôhô a mo kpaa, á lum er ka mkurem ma sha ityou nahan, ityough yagh kia venda ma ga; kpa me eren msen her, shin er ve eren afer nahan kpaa;

Ekesodu 34:12

Ver ishima, de ye ikur a mba ve tem ken tar u, ú za nyôr ker la, ve̱ hôn u ga.

Anzaakaa 17:10

Myange hembe nyôron orfankwagh ken ishima, a u gbidyen ibumeor akpa kwa deri.

Anzaakaa 27:5

Guda myange u ken igbar, a dooshima u a lu ken myer la.

Anzaakaa 9:8

De yangen orpuunakaa ga, sha er nana̱ de ker u ihom ga yô; yange orfankwagh, tsô ú doo nan ishima.

Levitiku 19:17

De ker anngôu ihom ken ishima you ga, venda kwagh a or u nan we ndor a we gbar gbar, de kera kper ibo sha iyol you sha ci u nan ga.

Mateu 18:21

Tsô Peteru va her a Na, va kaa a Na er: Tere, ka acin a me je man anmgbian wam una eren kwaghbo man me de unu? I̱ lu zan zan kwa taankaruhara?

Luka 21:34

Kpa ver nen ishima sha ayol a en, asema a en a̱ de yoho sha hua u sha kwaghyan man sha ihundugh man sha akaa a nyian ishima a uma ne ga, iyange la i̱ de va bulun ne er kwaghhônon nahan ga;

Mbaefese 5:15

Nenge nen vighe vighe er ne zenden yô, i̱ de lu er mbalanenkwagh nahan ga, kpa i̱ lu er mbafankwagh nahan.

Duteronomi 4:15

Kura nen ayol a en dedoo je, gadia iyange i TER ôr kwagh a ven hen Horebi hen atô u usu la ne nenge a ma kwagh sha ashe ga;

Duteronomi 4:23

Kura nen ayol a en, sha er ikuryan i TER, Aôndo wen, A ye a ven la, i̱ de hungul ne, né gbaan eev mbu been ma kwagh u TER, Aôndo wou, A yange u la ga.

Duteronomi 4:9

Kura iyol you, ver ishima sha uma wou dedoo sha er akaawan a ashe ou a nenge a mi la, a̱ de hungul we ga, sha er sha ayange ou cii a̱ de karen we ken ishima kera ga yô, kpa tesen ônov ou a, kua shi ônov mba ônov ou kpaa;

Mbaheberu 12:15

Shi kura nen sha er mhôônom ma Aôndo ma de bundu ma or ga yô, ma mise u yuan kpaa u̱ de menden u̱ ne anzughul man ior kpishi ve̱ zua a hôngor sha mi ga.

Yakobu 5:19

Anmgbianev av, aluer mô wen nana kaha á undu mimi man orgen nana za hide a nan yô,

2 Yohane 1:8

Ver nen ishima sha ayol a en sha er akaa a se er tom sha mi la, a̱ de saan ne ishe ga yô, man né ngohol injar vough.