Luka 17:2 - ICIGHAN BIBILO

² Kwagh u a lu nan guda yô, ka u ma i har nan nase sha mon, ma i gbihi shin zegemnger, a u ma nan ne u môm ken mbakiriki mban gbev mbu nôngon yô.

Luka 17:2 Iomraidhean Croise

Yesaia 40:11

Una koso ilev Nav er orkuranilev nahan, Una kohol ônovmbaiyôngov sha uwegh Nagh, Una tôô ve Una wa sha ikum Na, una za a mbi amben ônov tegh tegh.

Sekaria 13:7

Nder, we sanker, za ta sha orkuranilev Wam, sha or u a lu ijende Yam la, kape TER u akum a Sha A kaa ne. Gbidye orkuranilev, iyôngo i̱ sambe; Me naregh uwegh sha mbakiriki.

Mateu 17:27

Kpa sha u se na ve gbev mbu nôngon ga yô, za shin kpe u zegemnger, za kende tsuwe, tôô ishu i wea vande kôron la; ú bughun i zwa yô, ú zua a shekel môm; tôô, za na ve sha ci Wam vea we.

Mateu 18:10

Ver nen ishima, de lahan nen u môm ken mbakiriki mban ga, gadia M ngu kaan ne Mer, mbatyomov vev mba Shaav mba kenger ishigh ki Terem u A lu sha la gbem.

Mateu 18:14

Kape i lu ishima i Ter wen u A lu Sha la, u mbakiriki mban, mô ve nana saa ga la.

Mateu 26:24

Wan u or ngu zan er i nger sha a Na nahan, kpa kwagh á tser or u nan nenge mker sha a Na la; ka u ma i mar nan ga la, ma i lu nan guda ye.

Marku 9:42

Man shi hanmô u nana na u môm ken mbakiriki mban mba ve nem jighjigh ne, gbev mbu nôngon yô, kwagh u a lu nan guda yô, ka u ma i har nan zegenase sha mon ma i kende nan shin zegemnger.

YOHANE 21:15

Mba ye kwagh kera yô, Yesu kaa a Shimon Peteru er: Shimon, wan u Yona, M hemba doon we ishima a mbana? A kaa a Na er: Een, Tere, U fa er U doom yô. A kaa a na er: Koson Mo aniyôngov av.

1 Mbakorinte 9:15

Kpa mo yô, m er kwagh sha akaa a i ne ian sha mi ne môm môm kpaa ga. Man m ngu ngeren akaa ne sha u i̱ erem a kpaa ga, gadia guda u me kpe kera a u ma or nana̱ bunde ihagh yam ne.

1 Mbakorinte 9:22

Aseeraior yô, m hingir ve er ka isheeror nahan sha u me kôr aseeraior yô. Ior cii m hingir ve hanma kwagh cii, sha u a lu nan nan kpaa, me yima mbagenev yô.