Luka 16:3 - ICIGHAN BIBILO

³ Tsô wanye la gba kaan ken ishima er: Me er nana er terem a lu dughun mo sha tom u nengen sha inyar ne kera yôô? M ngu a agee a iyolough a me shire sule ga; man shi kunya gema ngu kôron mo sha sen.

Luka 16:3 Iomraidhean Croise

Eseter 6:6

Tsô Haman nyôr. Tor pine un er: Á er a or u i sar tor pe nan nan icivir la nana? Nahan Haman hen ken ishima na, er: Ka an je nan hembe doon tor u una na nan icivir, a lu mo ga?

Anzaakaa 13:4

Uma u oruhwe, kwagh ka a sar un, kpa a zua a kwagh ga, kpa uma u mbatavershima yô, una mgbough a akaa.

Anzaakaa 15:19

Gbenda u oruhwe ngu er igyar i saa nahan, kpa gbenda u orperapera yô, ka igbudu.

Anzaakaa 18:9

Or u nan lu hwev sha tom u nan je yô, nan ngu anmgbian u or u timin a tim ior.

Anzaakaa 19:15

Hwev ka mbu na or nan yav kputu, oruhwe kpaa, ijen ia kôr nan.

Anzaakaa 20:4

Oruhwe venda u kahan sule sha wangernyom, nahan nana ker kwaghyan fam shio.

Anzaakaa 29:21

Or u nan yese kpan u nan legh legh er a lu iyev la je yô, una hingir wan u nan ken masetyô.

Yesaia 10:3

Né er nan sha iyange i oron iyeve, man sha mtim u una due ca laa? Ka an je né za gba nan ikumu? Man ka han né undu inyaregh yeneghe?

Yeremia 5:31

uprofeti mba ôron kwagh sha aie, upristi kpaa mba eren tahav sha ityesen ve, ior Av kpaa doo ve er i lu nahan; tsô nea er nan sha mkuru?

Hosea 9:5

Né er nyi sha iyange i mkohol u sha ashighe ashighe man sha iyange i iniongo i TERE?

Mateu 20:8

Iyange i been yô, orsule la kaa a wanakiriki na u vesen er: Yila mbatomov mbala, kimbi ve, hii hen mbamasetyô la, za kure sha mbahiihii mbala.

Marku 10:46

Tsô ve va ken Yeriko. Ngur duen ken Yeriko, Un kua mbahenen Nav man ikpelaior kpishi yô, orsônonkwagh u a lu orapirashe, iti na er Bartimeu, wan u Timeu, tema hen kpegbenda.

Luka 12:17

Nahan a gba henen ken ishima na, kaan er: Me er nana? Gadia m ngu a ijiir i me ombo iyiav ga.

Luka 16:2

Nahan a yila un a kaa a na er: Ka nyi kwagh m ongo sha a we nahana? Ôrom kwagh sha kwagh u m we u sha ikev la, gayô u kera fatyô u nengen mo sha inyar ga.

Luka 16:20

I ver orgen hen hunda na u sônon a sôn kwagh, iti na er Lasaru, lu a avav iyol côhôô,

Luka 16:22

Tsô or u sônon la va kpe, mbatyomov mba Shaav tôô un, za a mi ken ikum i Aberaham.

Luka 16:4

M fa kwagh u me er man iyange i á dughum ken tom u inyar ne kera man vea rumun mo ken uya vev yô.

Luka 18:4

A zer vendan, kpa ken masetyô yô, a kaa ken ishima na er: Shin er m cie Aôndo ga, or kpaa m we iko ga,

YOHANE 9:8

Nahan mba ve dondo ya a na, man mba ve vande nengen un er a lu or u sônon kwagh yô, ve kaa er: Ka un u iyange teman sônon kwagh ne gaa?

Aerenakaa A Mbaapostoli 3:2

Orgen u a sombo ken uya je lu her, i tôô un a tôô i veren un hen hunda u tempel u i yer er dooashe la, ayange ayange, sha u a̱ sôn mba ve lu nyôron ken tempel la kwagh.

Aerenakaa A Mbaapostoli 9:6

Kpa mough sha, za nyôr ken gar, tsô á ôr u kwagh u a doo u ú er yô.

2 Timoteu 3:11

Gadia se ungwa mbagenev ken ven mba zenden nzughul nzughul, mba kera eren tom ga, kpa mba amber sha akaa.