Luka 16:24 - ICIGHAN BIBILO

²⁴ A genger imo, a kaa er: Ahii Aberaham, tere! Shi zungwem mhôônom, tindi Lasaru a̱ civ ihôwe na shin mnger, a̱ va surum nombor, gadia ican ngi eren mo sha nomborusu ne je cier iyol.

Luka 16:24 Iomraidhean Croise

Yobu 20:21

Ma kwagh shi her u nan ye ga ze, ka nahan man mkpeyol u nan una tsa ga ye.

Yesaia 27:11

Zum u agbaa a na aa use kera yô, á kever a kera, kasev vea va, vea nande a sha usu; gadia ka ior mba kaven kwagh ga, ka nahan je man Un u A gbe ve la, Una zungwe ve mhôônom ga, Un u A maa ve la, Una tese ve erdoo Na kpaa ga ye.

Yesaia 66:24

Vea due vea za kenger akom a ior mba ve hendan a Mo la, gadia ijôô ve ia kpe ga, man usu ve kpa á pir u ga; vea hingir kwagh u ndôhôr uumace cii ishima.

Sekaria 14:12

Ka bouange u TER Una tsaha akuraior a a ve ityav sha Yerusalem cii a mi ne: Inyam ve ia hôô kera er ve til sha angahar a ve her la je, ashe ve kpaa aa hôô ken ategher, nombor ve kpaa ua hôô ken zwa ve.

Mateu 25:41

Tsô Una shi Una gema Una kaa a mba ve lu ken uwegh Nagh ku imesegh la er: Yem nen heen kera, ne mba i we ne ifan, yem nen ken usu u tsôron u i keer sha ci u diabolo a mbatyomov nav la.

Mateu 3:9

man shi de kera henen nen ayol a en ner, se mba a ter wase Aberaham ga; gadia m ngu kaan ne mer, awen ne je kpaa Aôndo Una fatyô u geman a̱ hingir ônov mba Aberaham.

Mateu 5:22

Kpa Mo yô, M kaan ne Mer: Hanma or u nana yuwe a anngô u nan yô, nan kuma u á ôr nan ijir ve; man shi hanma or u nana kaa a anngô u nan er, Raka, yô, nan kuma u á ôr nan ijir sha ijirtamen ve; man shi hanma or u nana kaa er, we, ibumeor, yô, nan kuma mtsaha u ken gehena u yeghen usu la ve.

Luka 16:30

Kpa a kaa er: Ei! tere, Aberaham, kpa aluer orgen nana nder shin mbakpenev, nana za her a ve yô, vea gema asema.

Luka 19:9

Yesu kaa a na er: Nyian myom va hen ya ne ve, sha ci u wen kpaa a lu wan u Aberaham je yô.

Luka 3:8

Nahan yô, ume nen ase atam a a kom mgemshima yô. De kera gbe kaan ayol a en ner: Se mba a ter wase Aberaham ga, gadia m ngu kaan ne mer, awen ne je kpaa Aôndo Una fatyô u geman a hingir ônov mba Aberaham.

YOHANE 4:10

Yesu gema kaa a na er: Wea fe iwua i Aôndo, man shi Un u A kaan a we er: nam mngerem, M̱ ma, ne yô, ma u sen Un, ma A ne u mngerem ma umam.

YOHANE 4:14

Kpa hanma or u nana ma mngerem ma Mo Me na nan yô, imura ia kera kôr nan mayange ga; kpa mngerem ma Me na nan mara, maa hingir imbormnger ken a nan, maa saar zan zan uma u tsôron.

YOHANE 7:37

Sha iyange i masetyô la, lu zegeyange u iniongo je la, Yesu tile sha, genger imo kaa er: Aluer imura ia kôr hanma or yô, nana̱ va her a Mo, nana̱ va ma.

Mbaromanu 4:12

Shi a̱ lu ter u mbaicôngo kpaa, ka mba ve tsenge a tsôngo tseegh tsô la ga kpa ka mba ve zenden sha angahar a ter wase Aberaham u a ne jighjigh er a lu ipusu la je.

2 Timoteu 1:8

ken igyamusu; Una tsaha mba ve fe Aôndo ga man shi mba ve we Loho u Dedoo u Ter wase Yesu iko ga la kpaa.

Yakobu 2:13

Gadia or u nan zungu mhôônom ga yô, ijir kpaa ia zungwe nan mhôônom ga, gadia mhôônom ma zungwen ma hemba ijir agee.

Yakobu 3:6

Nombor kpaa ka usu je, ka ifer i sha won cii. I ver nombor ken alegh a ase, ngu gem ngu hôngor iyol cii, ka u keer usu sha uma wase jimin cii, man u yô, ka shin gehena i tsar u u ker usu ye.

Mpase U Yohane 19:20

Tsô i kôr inyam la man shi profeti u aie la kpaa, un u a lu eren uivande sha ishigh ki inyam, a lu tsughun ior mba ve ngohol ikav i inyam la man shi mba ve civir eev mbu i la kpaa, i gbihi ve uhar cii uma ken berusu u a lu yeghen sha sulfur la.

Mpase U Yohane 20:15

Man aluer i nenge i nger or ken ruamabera u uma la ga yô, i kende nan ken berusu je.

Mpase U Yohane 22:1

Tsô a tesem ifi u mngerem ma umam, lu wang er krusetalu nahan, lu duen ken ikônough ki torough ki Aôndo man ki waniyôngo la.

1 Samuel 28:16

Samuel gema kaa er: Ka nyi u pinim, er TER A undu u man A hingir orihom wouwe?