Luka 16:17 - ICIGHAN BIBILO

¹⁷ Gadia Sha man tar vea kar kera, á lu ican ga, kpa á hemba lun ican u anikav môm ken atindi á saa.

Luka 16:17 Iomraidhean Croise

Yesaia 40:8

Toho ka u uma, imondon a use, kpa kwaghôron u TER wase yô, una lu her gbem sha won.

Yesaia 51:6

Kende nen ashe a en sha Usha, nenge nen shin tar, gadia Usha vea kar kera er mnyim nahan, tar kpaa ua bee iyol er ikondo yô, mba ve tem shin u kpaa, vea kpe er amunan nahan; kpa myom Wam una lu gbem sha won man á kar a perapera Wam kera kpaa ga.

Mateu 5:18

Gadia mimi je M kaan ne ne, zan zan Sha man tar kpaa vea kar kera je, kpa mayange ishangekwagh môm shin anikav môm tsô kpaa una kough ken atindiakaa kera ga, zan zan akaa cii aa kure sha mi vough.

Luka 21:33

Sha man tar vea kar kera, kpa akaaôron Am aa kar kera mayange ga.

Mbaromanu 3:31

Nahan se mba bunden atindi sha kwagh u jighjigh u nan la shinii? Mayange ga, se mba geman taver a taver atindi je.

1 Peteru 1:25

kpa kwaghôron u Ter yô, ngu tsôron gbem zan zan. Man ngun ka kwaghôron u Loho u Dedoo u i ôr ne u je ne.

2 Peteru 3:10

Kpa iyange i Ter ia va er ormbaiv nahan. Usha vea kar kera sha ihuran ioo, asemaakaa aa hia kera man tar kua ityom i sha u cii kpaa ia hia kera.

Mpase U Yohane 20:11

Shi m nenge zegeikôn u pupuu u tor. Un u A tema sha mi la yô, tar man Sha yevese sha ishigh Nagh kera, ian kera lu sha ci ve mape ga.

Mpase U Yohane 21:1

Tsô m nenge Sha u he man tar u he kpaa, gadia Sha u hiihii man tar u hiihii la kar kera, zegemnger kpaa kera lu ga.

Mpase U Yohane 21:4

Una ese ve mliam sha ashe kera cii, ku ua kera lu ga, shin ijungwen shin mliam shin ican kpaa ia kera lu je ga, gadia akaa a tse la kar kera.