Luka 16:15 - ICIGHAN BIBILO

¹⁵ Kpaa A kaa a ve er: Ka ne mba ne ne ayol a en ishô sha ishigh ki iorov je ne, kpaa Aôndo fa asema a en; gadia kwagh u a lu ior kwagh u icivirigh yô, gema ka kwagh u ndôhôr Aôndo ishima.

Luka 16:15 Iomraidhean Croise

1 Kroniku 29:17

Shi m fa kpaa, Aôndo wam, U kar ishima, perapera doo U. Mo iyol yam yô, ka sha ishima yam i wang je, m ne akaa ne cii gbar gbar ye; hegen yô, ka sha iember je, m nenge ior Ou, mba ve kohol heen, ve ne U akaa gbar gbar ye.

2 Kroniku 6:30

ungwa Sha, sha ijiir You i teman la, de nan isholibo i nan, na hanma or sha ieren i nan cii, er U fe ishima i nan yô (gadia ka We tseegh U fe asema a ônov mba iorov ye),

Upasalmi 10:3

Gadia orifer ka a ta ihagh sha kwagh u isharen i ken ishima na, a ver oreren hua doo doo, a gema a laha TER.

Upasalmi 49:13

Ungun ka gbenda u mba ve suur sha ayol a ve, vea za sha mi yô, kua mba ve dondo ve ityô, ve rumun mkaanem vem la kpaa. Sela.

Upasalmi 49:18

Shin er nan lu uma, nan lu wuese er i kpe nan iyol —ior kpaa ve wuese we, zum u wea eren a iyol you dedoo la—

Upasalmi 7:9

Ifer i mbaaferev i̱ kure, kpa mbamimi yô, taver ve her, We u U karen asema man ahi kpaa, Aôndo u perapera.

Anzaakaa 16:5

Hanma or u lun a imanger ken ishima, nan ngu TER kwagh u ndôhôrshima je, mimi je, nana war mtsaha ga.

Anzaakaa 20:6

Ior kpishi mba pasen erdoo ve ken igbar; kpa or u jighjigh yô, ka an nana zua a mini?

Anzaakaa 21:2

Hanma gbenda u or ngu vough sha ashe a nan, kpa TER yô, karen asema.

Yeremia 17:10

Mo TER M tev ishima, M kar ahi, sha u Me na hanma or sha igbenda i nan, sha inja i atam a aeren a nan.

Malaki 3:15

Hegen yô, se mba yilan mbagengeseyol ser: Mba i saan ve iyol; mbaeren iferkwagh mba maan ve a maa tseegh ga, ka ve kar Aôndo nahan kpaa ve war.

Mateu 23:5

Kpa aeren a ve cii yô, mba eren a sha u ior ve̱ nenge; gadia ka ve kor akpagher a gbangese, man ve eren umka mba uriga vev ve kehe.

Mateu 6:16

Man shighe u nea hôron kwaghyan yô, de luun nen zunguluu er mbaatsereghev nahan ga; gadia ka ve vihi ishiv vev sha u ior ve̱ nenge er ve her kwaghyan yô. Mimi je, M kaan ne ne, ve ngohol injar ve kera ve.

Mateu 6:2

Nahan shighe u wea eren iwua yô, de tôngon korough sha hemen wou, er mbaatsereghev ve eren ken ushinagoge kua sha igbenda sha u vea zua a icivir hen ior la nahan ga. Mimi je, M kaan ne ne, ve ngohol injar ve kera ve.

Mateu 6:5

Man shighe u wea eren msen yô, de luun er mbaatsereghev nahan ga; gadia ka i doo ve u tilen eren msen ken ushinagoge man sha akahar a akômaigbinda sha u ior ve̱ nenge a ve yô. Mimi je M kaan ne ne, ve ngohol injar ve kera ve.

Luka 10:29

Kpa er lu un pe keren ishô iyol na yô, a kaa a Yesu er: Man ka an nan lu orwan ndor a mo?

Luka 11:39

Kpa Ter kaa a na er: Ne, Mbafarishi! Ka ijime i iyongo man i gbande ne kir ye, kpa ken atô wen yô, ne iv a mtusu man ifer.

Luka 18:11

Orfarishi la tile sha, gba eren msen sha ci na iyol na sha akaa ne nahan er: Aôndo, m sugh U sha ci u m lu er ior mbagenev nahan ga yô; anza er uityusenmbaiorov man mba lun a mimi ga man mbadyarev man orngoholkpandegh ne nahan kpaa.

Luka 18:14

Me kaa ne, ka or ne a yem ken ya na a ishô ye, lu ugen la ga, gadia anti or u nana kende iyol i nan sha yô, á hide a nan ijime; kpa u nana hide a iyol i nan ijime yô, á kende nan sha.

Luka 18:21

A kaa er: M kura angan cii er m lu iyev je.

Luka 18:9

A shi A ôr injakwagh ne sha mbagenev mba ve fe ken asema a ve er, ve mba mbaperapera, man ve gem ve nengen ior mbagenev dang yô:

Luka 20:20

Ve gba kuran Un, ve shi ve tindi mbamkerev mba ve er inja er ve mba ior mba mimi yô, sha u vea zua a ityôkwagh sha kwaghôron Na, sha u vea na Un sha ikev i gomna kua ijirôron i gomna kpaa.

Luka 20:47

mba yan uya mba kasev mba côgholov, man eren ugôgômbamsen sha imanger; ka ve je vea hemba zuan a ibo sha ijir ye.

YOHANE 2:25

man shi sha ci u kwagh gbe Un a ma or u nana pase mlu u orgen ga yô, gadia Un iyol Na A fa kwagh u a lu ken or yô.

YOHANE 21:17

A pine un sha kwa tar er: Shimon, wan u Yona, M doo wee? Ishima vihi Peteru sha ci u a pin un sha kwa tar er: M doo wee, yô. Tsô a kaa a Na er: Tere, U fa akaa cii, U fa er U doom yô. Yesu kaa a Na er: Koson iyôngo Yam.

Aerenakaa A Mbaapostoli 1:18

Or ne yô, yam sule sha injar i ifer na, nahan a gba a tume ityough inya, pav, myam nam cii ma haa won.

Aerenakaa A Mbaapostoli 1:24

Ve er msen, ve kaa er: We, Ter u U fe asema a ior cii ne, ior mba uhar mban ne, tese or u U tsough nan la,

Aerenakaa A Mbaapostoli 15:8

Man Aôndo u A fe or ishima yô, A er ve shiada sha mne u A na ve Icighan Jijingi la er lu na se nahan kpaa la.

Mbaromanu 3:20

Nahan sha aeren a sha atindi yô, a na ma or u umace ishô sha ishigh Nagh ga, gadia ka sha atindi man i fe asorabo ye.

Mbaromanu 8:27

Kpa Un u A tim asema la A fa er ishimaveren i Jijingi i lu yô, gadia ka sha ishima i Aôndo A lu eren msen sha ci u uicighanmbaiorov ye.

1 Mbakorinte 4:5

Nahan yô, de gbe ôron nen ma ijir er shighe a lu a kuma ga la ga, saa Ter Una va Una due a akaa a myer a ken ime la, Una va a mi ken iwanger, man Una pase mbaawashima mba ken asema a ior kpaa, ka ken shighe la man hanma or nana zua a iwuese i nan hen Aôndo ye.

1 Peteru 3:4

Kpa i̱ lu or u ken myer u ken ishima la, a hwe u saan ishe ga, u ishima i legh legh man u lun ving la; ka kwagh u hemban sha mnenge u Aôndo je la.

1 Peteru 5:5

Nahan yô, ne mbayev kpaa ungwan nen imo i mbatamen, man ne cii, haa nen ityough ki taver ga iyol, hen ayol a en, gadia Aôndo hendan kwagh a mbagengeseyol, kpa ne mba ve hir ayol a ve ijime la mrumun u sha mhôôn.

Mpase U Yohane 2:23

man Me wua ônov nav sha ku. Iniongo i Kristu cii ia fa er i lu Mo je M tim ahi man asema ye; man Me na ne injar sha inja i aeren a en ser ser.

1 Samuel 16:7

Kpa TER kaa a Samuel er: De kenger mluyol na ga, shin ityaven na kpaa ga; gadia a kumam ga, gadia mnenge u TER ngu er mnenge u or nahan ga; gadia or nengen mluashe u ken won, kpa TER yô, nengen ken ishima.