Luka 16:11 - ICIGHAN BIBILO

¹¹ Nahan aluer ne kera lu jighjigh ga sha kwagh u inyaregh ki ki lu perapera ga la yô, ka an nana wa ne kwagh u mimi sha ikeve?

Luka 16:11 Iomraidhean Croise

Mateu 6:24

Or môm môm ngu u nana fatyô u eren uter uhar tom ga; gadia nana kôr ugen ihom, ugen á doo nan ishima, shin nana var ken ugen, nana laha ugen. Ne fatyô u eren Aôndo tom kua inyaregh kpaa ga.

Luka 12:33

Gema nen inyaregh yenegh tee nen, na nen iwua. Kor nen akpa a inyar a a bee iyol ga la sha ci wen, ka kwagh u injaa u a lu Sha u una bee ga, ape ormbaiv nana mgbôghom a min ga, ivina kpaa ia vihi ga yô;

Luka 16:12

Man aluer ne kera lu jighjigh sha kwagh u orgen ga yô, ka an nana na ne kwagh u a lu u wene?

Luka 16:9

Man M kaan ne, kôr nen akar sha inyaregh ki ki lu perapera ga ne, sha u zum u kia kera lu ga yô, vea rumun ne ken atumbe a tsôron yô.

Luka 18:22

Er Yesu ungwa nahan yô, A kaa a na er: Kpa kwagh shi u môm tsô: Tôô akaa a u lu a mi la cii tee, na mbaatsanev nahan wea lu a kwagh u injaa Sha yô, va, va dondo sha a Mo.

Mbaefese 3:8

Mo u m hembe gban ijime ken uicighanmbaiorov cii yô, i nam mrumun u sha mhôôn ne u ôron atôatyev Loho u Dedoo u mngee u Kristu A ngee a akaa i gande u tôvon la,

Yakobu 2:5

Ver nen ato, anmgbianev av mba doon mo ishima, Aôndo kera tsuwa mbaatsanev mba ken tar ne sha u ve̱ lu mbanyarev ken jighjigh u nan man shi mbayandyako u tartor u A tende zwa a mba Un doo ve ishima la gaa?

Mpase U Yohane 3:18

M ngu wasen we henen Mer, yam kwagh a Mo, yam zenaria u i ser sha usu sha er ú ngee a kwagh yô, man shi akondo a pupuu sha er ú haa a iyol, kunya u idyelegh wou u̱ de dugh ken igbar ga yô, man shi icigh ki shighen sha ashe a ou sha er ú nenge kera yô.