Luka 15:4 - ICIGHAN BIBILO

⁴ Ka anti ken a ven u nana lu a iyôngo akunduataan man i môm ken i ia saa nan yô, nana kera undu i akunduanyiingber kar itiankarinyiin la ken ikôngo, nana za ker i i saa la zan zan nana kar zuan a mi ga?

Luka 15:4 Iomraidhean Croise

Upasalmi 119:176

M tsume er iyôngo i i saa yô, ker wanakiriki Wou, gadia atindi a Ou hungul mo ga.

Yesaia 53:6

Se cii se tsume er iyôngo nahan, hanmô wase hulugh sha u zan sha gbenda u nan, kpa TER gema na ibo yase cii i shile sha a Na.

Yeremia 33:13

Ken agar a ken tar u Iwoogh man ken agar a ken tar u shin Pev man ken agar a ken tar u Imbusutarimese, man ken tar u Benyamin man ken iningirtar i Yerusalem kua ken agar a Yuda, akumauile shi aa kar sha ishigh ki u a er iyenge la, kape TER A kaa ne.

Yeremia 50:6

Ior Av, iyange ve lu er iyôngo i i ndiir yô; mbakuran mba i tsume a i, ve yem a i sha iwo; i zende wue wue sha iwo man agungu, ijiir i tsan i i hungul i.

Esekiel 34:16

Me ker kwagh u a saa yô, man Me hide a kwagh u a tsum kera la, man Me kange kwagh ua kever yô, man Me taver kwagh u a gbe angev yô; kpa kwagh u gban ikôr man u taver la, Me tim un kera; Me koso ve sha gbenda vough.

Esekiel 34:31

Ne iyôngo Yam, iyôngo i M koson i, ne mba ior, man Mo yô, M ngu Aôndo wen, kape Ter AÔNDO A kaa ne.

Esekiel 34:4

I zunen la, ne taver i ga, i uange la ne sôr i ga, i i kever la, ne kange i ga, i i tsum la, ne hide a i ga, man i i saa la kpaa, ne ker i ga; kpa ka sha agee man sha ipila ne tem tor sha i ye.

Esekiel 34:8

Ter AÔNDO ngu kaan nahan er: Er M lu u uma ne, mimi je, sha ci u iyôngo Yam i hingir ishar yô, man iyôngo Yam hingir kwaghyan u inyamtoho cii, sha ci u orkuran nan lu ga, man mbakuranilev Av kpaa ker iyôngo Yam ga, kpa mbakuranilev koso ayol a ve, ve koso iyôngo Yam ga,

Mateu 12:11

Kpa A kaa a ve er: Ka hanmô wen nana lu a waniyôngo, man aluer una gba shin ihungwa sha iyange i memen yô, nana kôr un, nana dugh sha ga?

Luka 13:15

Kpa Ter gema kaa a na er: Ne mbaimangerev, hanmô wen kpaa ka nan sagh bua u nan shin jaki i nan hen anar u haan ilev kwaghyan shimi sha iyange i memen, nan za na un mngerem er a̱ ma gaa?

Luka 15:3

Tsô A ôr ve injakwagh ne, A kaa er:

Luka 19:10

Gadia Wan u or va sha u keren man u yiman kwagh u a saa yô.

Mbaromanu 2:1

Nahan yô, we or u ka u gba nan or ibo tsô ne, wea lu nan nan kpaa u ngu a ityôkwagh i lun a ishô ga gadia kwagh u u lu nan orgen ibo sha mi la, we iyol you kpaa u ngu a ibo sha mi, gadia we u u lu nan ibo la kpaa u ngu eren akaa angara je.

1 Peteru 2:25

Gadia ngise ne tsumen er iyôngo nahan kpa hegen yô, ne hide ken Orkuranilev man Orkuran u uuma enev.