Luka 15:21 - ICIGHAN BIBILO

²¹ Wan la kaa a na er: Terem m er Un u A lu Sha la kwaghbo m shi m er kwaghbo sha ishigh you kpaa; m kera kuma u á yilam er wan wou ga.

Luka 15:21 Iomraidhean Croise

Yobu 33:27

Nan gba wan icam sha ishigh ki iorough, kaan er: M er kwaghbo, m undu gbenda u mimi, kpa i kera orom iyev ga.

Upasalmi 143:2

De er wanakiriki Wou ijir ga, gadia ma or u umace nan ngu a ishô sha ishigh You ga.

Upasalmi 51:4

Ka We tseegh, m er U isholibo ye, m er kwagh u a lu u bo sha ishigh You; sha er Ú lu a ishô zum u U ôron kwagh, Ú lu wang zum u U lu ôron ijir la.

Yeremia 3:13

Kpa rumun iferkwagh you er u er TER, Aôndo wou, kwaghbo, man u kaha u ze hen mbaaôndo mbagenev, shin hanma itinekon i lun a mure; man imo Yam kpaa ne kera wa iko sha mi ga, kape TER A kaa ne.

Esekiel 16:63

sha u u̱ umbur man u̱ va ahenge, man u̱ kera seer u bughun zwa wou ga, sha ci u kunya wou, zum u M de u akaa a ou a u er cii yô, kape Ter AÔNDO A kaa ne.

Luka 15:20

Tsô a mough, a yem hen ter na. Kpa er lu ica je tsô, ter na ta ashe, za nenge a na, mhôônom kôr un kpishi, a wa ayem inya, a za kuve un, a gba susen un zwa.

Luka 15:22

Kpa ter la kaa a mbashiren un tom mbala er: Dugh nen ihembanriga la fefa je, va haa nen un, wa nen un kunya ken uwe, man akôv shin angahar kpaa;

Mbaromanu 2:4

Shin u ngu tsumen sha kwagh u erdoo Na u ngeen yum la man bem Na man ishimawan Na; u kera fa er erdoo u Aôndo a lu zan a we ken mgemshima gaa?

1 Mbakorinte 8:12

Aluer ne er anmgbianev kwaghbo, ne vihi imo ve i ken asema i i taver ga la yô, ka Kristu je ne lu eren Un kwaghbo ye.