Luka 14:13 - ICIGHAN BIBILO

¹³ Kpa zum u wea er iniongo yô, lôhô mbaatsanev man mbaawanev man mbakeer man mbaapirashe.

Luka 14:13 Iomraidhean Croise

2 Samuel 6:19

Ior cii, ka ikpilaior i Iserael la cii, nomso kua kasev cii, a na hanma or akpekpa man ijuugh ki inyamegh man ijen i atam a wain a ombor. Tsô ior hembe cii, hanma or nan yem hen ya u nan.

2 Kroniku 30:24

Gadia Hesekia tor u Yuda na mkohol anomabua dubu man iyôngo dubu utaankaruhar; atiator kpaa na mkohol anomabua dubu man iyôngo dubu pue, upristi kpishi je, wanger ayol a ve.

Nehemia 8:10

Shi a kaa a ve er: Gba yemen nen tsô, za ya nen tar, ma nen kwaghnyohon, tindi nen mba i er kwagh sha ci ve ga la a kwar; gadia nyian ka icighaniyange i TER wase je, ishima i̱ de kera vihin ne ga; gadia iember i ne ember TER la ka agee a en je.

Nehemia 8:12

Tsô ior hembe yem cii, sha u vea za ya kwagh, vea ma kwagh, man sha u vea tindi a kwar hen mbagenev, shi vea ember kpishi, gadia ve kav akaaôron a i pase ve la.

Yobu 29:13

Iveren i or u nan mgbôghom u saan ishe la, i haa sha a mo; m er ishima i kwasecôghol i ember yagh yagh.

Anzaakaa 14:31

Or u nan nzughul a icanor yô, nan laha u A gbe nan la, kpa u nan zungu oribanave mhôônom yô, nan ngu civir Un.

Anzaakaa 22:9

Or u nan lu a ishe i zungwen mhôônom yô, nana zua a iveren, gadia nan pande kwaghyan u nan, nan na mbaatsanev.

Yesaia 58:10

aluer ú na mbagenev kwagh u we kpaa a doo u la, man ú na icanor nan ide, nahan iwanger you ia wanger ken ime, ime You kpaa ia hingir er ka atetan nahan;

Yesaia 58:7

Shi ka u karen mbagenev kwaghyan wou, man u van a mbaatsanev mba ve lu a ape suur ga hen ya wou gaa?

Mateu 15:30

Tsô ikpelaior va her a Na, ve lu a mbasombon man mbakeer man mbaapirashe man mbakondonaker, man mbagenev kpaa kpishi, ve va ver ve hen ikum Na nahan A war ve;

Mateu 22:10

Mbayev mbala za sha igbenda za kohol mba ve zua a ve cii, mbabov man mbadedoo, nahan iyou i iniongo la iv a mbayaren iniongo.

Luka 11:41

Kpa na nen iwua sha akaa a lu kimi; nahan man akaa cii aa lu ne wang ye.

Luka 14:12

Shi A kaa a or u a lehe Un la er: Zum u wea yôr iwer i atetan shin i aikighe yô, de lehe akar a ou, shin anmgbianev ou, shin ityô you, shin mbanyarev mba ve we ndor a we ga, gayô alaghga ve di kpaa vea lôhô u iwer, vea kimbi u.

Luka 14:14

Nahan we kpaa á saan we iyol sha ci u ve mba a kwagh u vea kimbi u ga; gadia á va kimbi u sha mnder u mbaperapera la.

Luka 14:21

Wanakiriki la hire va ôr ter na akaa la. Tsô er vihi orya la yum yô, a kaa a wanakiriki na la er: Hide fefa, za hen akômaigbinda man anigbendav mba ken gar, za vam a atsanaior man mbaawanev man mbaapirashe man mbakeer heen.

Aerenakaa A Mbaapostoli 9:39

Tsô Peteru mough, gba yemen a ve imôngo. Za ar yô, ve unde a na sha iyou i sha. Kasev mba côgholov cii tile a na, lu vaan tesen uriga man akondo a Tabita lu kor, zum u lu a ve imôngo her yô.

Duteronomi 14:29

Orlevi (sha er nan lu a kwar shin dyako a we imôngo ga yô) man shiror man ancôghol man kwasecôghol mba ve nyer u a nyôr yô, ve̱ va ya, i̱ kuma ve; sha er TER, Aôndo wou A̱ ver u dedoo ken tom u u eren sha ave ou cii yô.

Duteronomi 16:11

ember sha ishigh ki TER, Aôndo wou, we man wan wou u nomso man wan wou u kwase man kpan wou u nomso man kpan wou u kwase man Orlevi u nan nyer u a nyôr, man shiror man ancôghol kua kwasecôghol mba ve lu a we, hen ijiir i TER, Aôndo wou, Una tsuwa sha u Una ver iti Na i̱ lu ker la.

Duteronomi 16:14

Ember sha iniongo you, we man wan wou u nomso man wan wou u kwase man kpan wou u nomso man kpan wou u kwase man Orlevi man shiror man ancôghol kua kwasecôghol mba ve nyer u a nyôr yô.

1 Timoteu 3:2

Orkuran yô, ka u nana̱ lu a acôghol a wan iyol ga keng je, nana̱ lu or u kwase môm, man or u kundun ishima, man or u tsev tsev, man or u eren kwagh sha inja, man or u eren dedoo a mbavannya, man or u fan ityesen kpaa.

1 Timoteu 5:10

u i er nan shiada sha aeren a dedoo, er nan lu yesen ônov mba nan man nan lu eren a mbavannya dedoo man nan lu ôôn uicighanmbaiorov angahar, man nan lu wasen mbaatsanev man nan lu pendan ishima sha hanma ieren i dedoo cii.

Titu 1:8

kpa i̱ lu or u eren a mbavannya dedoo, man or u kwagh u dedoo a doo nan man or u tsev tsev man or u jighjigh man icighanor man or u kôron iyol na tsaha kpaa,

Filemon 1:7

Gadia m ember kpishi shi m zua a ishimasurun sha dooshima wou, anmgbian, er u ne asema a taver uicighanmbaiorov yô.

Mbaheberu 13:2

De hundu nen ishima u eren dedoo a mbavannya ga gadia ka sha u eren nahan man mbagenev nyôr a mbatyomov mba Shaav ken ya ve abu ye.