Luka 14:11 - ICIGHAN BIBILO

¹¹ Gadia hanma or u nan kende a iyol i nan sha yô, á hire a nan ijime; man u nan hir a iyol i nan ijime yô, á kende nan sha.

Luka 14:11 Iomraidhean Croise

2 Samuel 22:28

Gadia We U yima ior mba i kighir ve a ican yô, kpa ashe a Ou nga ihom a mbagengeseyol; U hee ve.

Eseter 6:10

Tsô tor kaa a Haman er: Yô, er fefa, tôô akondo kua nyinya, er u kaa nahan, za er a Mordekai, Oryuda, u a tem hen hunda u ya u tor la nahan; de panden ma kwagh môm ken akaa a u kaa ne ga.

Yobu 22:29

Shighe u ia sen a sen yô, ú kaa wer: Kende sha; man or u varen inya kpaa, Una yima nan.

Upasalmi 138:6

Gadia er TER A lu Sha, nahan kpaa, we mbahiden ayol ijime iko, kpa mbagengeseyol yô, fe ve ken ica je.

Upasalmi 18:27

Gadia We U yima ior mba i kighir ve a ican yô; kpa ashe a a manger la yô, U hee a.

Anzaakaa 15:33

Mcie u cian TER ngu tesen a tese kwaghfan je, icivir dondo sha mhir u iyol ijime.

Anzaakaa 18:12

Mtim dondo sha ishima i moron i or, icivir di dondo sha mhir u iyol ijime.

Anzaakaa 25:27

Iyough i yan kpishi doo ga, kpa u timen sha akaavesen yô, ka kwagh u icivirigh.

Anzaakaa 29:23

Mgengeseyol u or una hile a nan ijime, kpa u nan hidi a iyol i nan ijime yô, nana zua a icivir.

Yesaia 2:11

Ashe a a kenger sha ilyahan la, á hee a, man iyol gengese i or kpaa á hide a i ijime, Ka TER tseegh Una lu a icivir sha iyange la ye.

Yesaia 2:17

Á hide a iyolmoron i uuma la ijime, iyolgengese i ior kpaa á hee i; ka TER tseegh Una lu a icivir sha iyange la ye.

Yesaia 57:15

Gadia u A lu Sha, u A hemba Sha, Un u A tem sha ajiir a tsôron gbem, Un u iti Na i lu Icighanti je yô, ngu kaan nahan er: M tem sha ijiir i Sha i i tsegh i yô, shi M tem hen un u a lu a jijingi u vaan afanyô man u hiden a iyol ijime, man Me nder ishima i mbavaanafanyô la.

Mateu 23:12

Man shi hanmô u nan kenden a iyol i nan sha yô, á hire a nan ijime; man hanmô u nan hir a iyol i nan ijime yô, á kende a nan sha.

Luka 1:51

A er tom u ageegh sha uwegh Nagh; mba ve gengese iyol sha mhen u ken asema a ve la, A sambe ve kera.

Luka 1:52

A dugh mbaageev sha ukwav vev kera, A kende mba ve gengese iyol ga la, sha,

Luka 14:12

Shi A kaa a or u a lehe Un la er: Zum u wea yôr iwer i atetan shin i aikighe yô, de lehe akar a ou, shin anmgbianev ou, shin ityô you, shin mbanyarev mba ve we ndor a we ga, gayô alaghga ve di kpaa vea lôhô u iwer, vea kimbi u.

Luka 18:14

Me kaa ne, ka or ne a yem ken ya na a ishô ye, lu ugen la ga, gadia anti or u nana kende iyol i nan sha yô, á hide a nan ijime; kpa u nana hide a iyol i nan ijime yô, á kende nan sha.

Yakobu 1:9

Anmgbian u lun a icivir ga yô, nana̱ ta ihagh sha indi i nan,

Yakobu 4:10

Hire nen ayol a en ijime sha ishigh ki Ter man Una kende ne sha ye.

Yakobu 4:6

Kpa ka A na mrumun u sha mhôôn a ngee je a hemba a hemba. Ka nahan man A kaa er: Aôndo hendan kwagh a mba ve gengese ayol, kpa mba ve hir ayol a ve ijime la yô, ne ve mrumun u sha mhôôn.

1 Peteru 5:5

Nahan yô, ne mbayev kpaa ungwan nen imo i mbatamen, man ne cii, haa nen ityough ki taver ga iyol, hen ayol a en, gadia Aôndo hendan kwagh a mbagengeseyol, kpa ne mba ve hir ayol a ve ijime la mrumun u sha mhôôn.

1 Peteru 5:6

Hide nen a ayol a en ijime er uwegh ku Aôndo ku ageegh ku lu sha a ven nahan, sha er shighe á va kuma vough yô Una kende ne sha.

1 Samuel 15:17

Samuel kaa er: Er u nenge iyol you kpeghee nahan, u gema u hingir orhemen u ikwe i Iserael gaa? TER kpaa shighe u mkurem ver u tor sha Iserael;