Luka 13:34 - ICIGHAN BIBILO

³⁴ Kpash! Yerusalem, Yerusalem, we u u woo uprofeti man u te mba i tindi ve her a we, awen ne! Ka acin a me je man i lum pe kohol ônov ou er ngôikegh ka a kohol ônov nav, shin akper a na nahan, kpa ne rumun ga!

Luka 13:34 Iomraidhean Croise

Nehemia 9:26

Nahan kpaa ve hemba ato, ve hendan a We, ve gbihi atindi a Ou ken ijime, ve wua uprofeti Ou mba ve pase ve ibo ve, sha u hiden a ve her a We la, ve er akaa a ndôhôrshima kpishi.

Nehemia 9:30

Anyom kpishi je U lu wan ishima a ve, U pase ve ibo ve sha Jijingi Wou, sha akaaôron a uprofeti Ou; nahan kpaa ve rumun ve ver ato ga; ka nahan man U gema ve U na sha ikev i akuraior a ken tar la.

Upasalmi 149:2

Iserael a̱ ember ken Un u A gbe un la, ônov mba Shion kpaa, ve̱ ember Tor ve.

Upasalmi 17:8

Kuram er hongorshe nahan; yerem ken mure u akper a Ou,

Upasalmi 36:7

Aôndo, erdoo Wou ngu a inja je gande cii; ônov mba iorov mba yeren ken mure u akper a Ou,

Upasalmi 57:1

Zungwem mhôônom, Aôndo, zungwem mhôônom, gadia ka ken a We, uma wam a yer ye, een, ka ken mure u akper a Ou me yer ye, zan zan akaavihin ne aa kar kera.

Upasalmi 81:13

Kpash! Ior Av ma ve ver ato hen a Mo, Iserael kpaa ma a zende sha igbenda Yam!

Upasalmi 91:4

Una cir u sha akper a Na, ka ken atô u akper a Na je, ú yer ye; mimi Na ka perutya man akuvautya.

Yesaia 30:15

Gadia Ter AÔNDO, Icighan u Iserael kaa nahan er: Ka sha u hiden shi memen man né war ye, ka sha mtem u bem bem man jighjigh u nan, agee a en aa lu ye.

Yesaia 50:2

Ka sha ci u u nyi man zum u M va la, M kohol ma or ga? Zum u M yila kpaa, ma or vengese ga? Uwegh Agh kôvor, je kua kera fatyô u paan gaa? Shin M ngu a tahav mbu Me yiman gaa? Nenge, sha mzehe Wam ka M uma zegemnger, ka M gema uifi ve hingir desereti, ishu ve kpaa i human sha ci u mngerem ma ga yô, i kpe sha ci u imura.

Yeremia 2:30

Ka gbilin tsô man M gbidi ônov enev ye; ve rumun mkôôm ga; sanker wen wua uprofeti enev, er begha ka a ande kwagh nahan.

Yeremia 26:23

ve due a Uria ken Igipiti, ve va a na hen tor Yehoyakim, nahan a wua un sha sanker, a gbihi ikom na sha ijiir ape i iin ior mba ken inya yô.

Yeremia 35:14

Akaaôron a Yonadabi wan u Rekabi, a a kaa mbayev nav er ve̱ de me wain ga la, ve er sha mi vough, mba me ga zan zan nyian, gadia ve wa icin i ter ve ta ve la iko; kpa Mo M ôr kwagh a ven pepe kua aikighe, kpa ne ver ato her a Mo ga.

Yeremia 35:17

Nahan yô, TER, Aôndo u akum a Sha, Aôndo u Iserael, ngu kaan nahan er: Nenge, Me va a kwaghbo la cii sha Yuda man sha mba ve tem ken Yerusalem cii u lu M ter sha a ve la, sha ci u M ôr kwagh a ve kpa ve ungwa ga; shi M yila ve, kpa ve vengese ga.

Yeremia 6:16

TER ngu kaan nahan er: Tile nen sha igbenda, nenge nen, pine nen igbenda i tse, henpe gbenda u doon shi u lu yô, zende nen sha u, tsô nea zua a mmem sha ci u uuma enev; kpa ve kaa er: Ka se ka zenden sha mi ga.

Ukwelegh 1:16

Ka nahan man m lu vaan mliam ye; ashe am nga ndôôr mliam, sha ci u orsurunshima u una taver uma wam ngu ca a mo; ônov av kpaa kondo ve iyol sha ci u orihom hemba.

Ukwelegh 4:13

Lu sha ci u asorabo a uprofeti nav man afer a upristi nav, mba ve haa awambe a mba perapera inya ken atô na yô.

Hosea 11:2

Er i yila ve ngegh kpaa, ve hemba yemen a yem ca; ve na Ubaal nagh ku sôngon, man ve nande ieev mbi gban a gba nagh ku human doon.

Hosea 11:7

Ior Av ver ishima u geman undun Mo, aluer i lu yilan ve Sha nahan kpaa, mô ve môm nan nôngo u moughon sha kpaa ga.

Yoel 2:23

Yô, ember nen, ne ônov mba Shion, i̱ saan ne iyol ken TER, Aôndo wen, gadia ngu nan ne ortesen u una tese perapera, ngu nôôn ne ura, urahe man ura u masetyô kpaa, er ngise la nahan.

Sekaria 1:4

De kera luun nen er uter enev nahan ga, mba uprofeti mba tsuaa mbala, ve lu genger imo kaan a ve er: TER u akum a Sha ngu kaan nahan er: Gema nen asema, undu nen igbenda yen i bo man aeren a en a bo; kpa ve ungwa ga, ve ver ato her a Mo kpaa ga, kape TER A kaa ne.

Mateu 22:3

Nahan a tindi mbayev nav er, ve̱ za yila mba i lehe ve iniongo i kwasehe la, kpa lu ve pe van ga.

Mateu 22:6

Mbagenev mbala kôr mbayev mbala, er a ve dang dang man mase wuan ve ye.

Luka 15:28

Maa a gba yuwen, a venda u nyôron. Tsô ter na due za zamber a na.

Luka 19:44

Vea kôr u vea ta inya a ônov ou keregh; iwen i môm tsô kpaa vea undu sha igen ken a we ga; sha ci u u kav shighe u Aôndo A ve sha u va sôron we ne ga.

Luka 23:28

Kpa Yesu gema ashe hen ve, kaa er: Ne ônkasev mba Yerusalem, de kera vaan nen sha ci Wam ga, kpa vaa nen sha ci wen ayol a en man sha ci u ônov enev kpaa.

Aerenakaa A Mbaapostoli 7:52

Ka hanmô ken uprofeti je man uter enev tôv nan a ican ga? Ve wua mba ve lu tsengan ôron mve u Ormimi, man hegen ne kpaa ne hingir mbanengen Un mker shi ne wua Un kpaa;

Aerenakaa A Mbaapostoli 7:59

Ve ta Sefanu awen, lu yilan kaan er: Ter Yesu, ngohol jijingi wam!

Aerenakaa A Mbaapostoli 8:1

Saulu kpaa lu rumun ku na. Tsô hen ayange la zegemtev u sha ican mough sha nongo u Kristu u u lu ken Yerusalem la. Ve cii i sambe ve ken ityar i Yudia man i Samaria, mase shin mbaapostoli tseegh.

Duteronomi 32:29

Vea lu a kwaghfan yô, ma ve kav kwagh, ma ve hen kwagh u mkur ve!

Duteronomi 5:29

Ma ve lu ase a imbashima i cian Mo waan atindi Am cii iko gbem la, sha er á kpe ve iyol a ônov vev cii gbem sha won yô.

Mpase U Yohane 11:8

Akom a ve aa lu sha gbenda ken zegegar u i yer un sha inja i jijingi er Sodom man Igipiti her ape Ter ve kpaa, i mande Un sha terankon la.

Rutu 2:12

Yô, TER A̱ er a we dedoo sha aeren a ou la, ma u zough a injar i kuman gbing gbing hen TER Aôndo u Iserael u u ve u va ker ijiir i memen shin akper a Na yô.