Luka 13:19 - ICIGHAN BIBILO

¹⁹ Ngu er ishange i masetadi i or ka nan tôô, nan ta ken sule u nan; i mende i hingir kon, inyon i sha i va i va wa aya sha agbaa a na.

Luka 13:19 Iomraidhean Croise

I Solomon 4:12

Sule u i kase u igyar, kape anngômkwase, kwasehe a lu la; imbormnger i i kase i, man ijôr i i wuhe i.

I Solomon 4:16

Nder, we ahumbe a ken imbusutarimese; va, we ahumbe a ken imbusutariyan; pever sha sule wam, ihuma i ilyôghonov mbi u i̱ samber ken won. U a doom ishima la, a̱ nyôr ken sule na, a̱ ya atam a u a dedoo la.

I Solomon 6:2

U a doom ishima la sen shin sule na, shin mbaagbegi mba ilyôghonov mbi human doon, sha u za nan ilev toho ken ishule man sha u kohol uimondon mba uityombo.

I Solomon 8:13

We u u tem ken ishule la, akar a am a zende nga keghen ato sha imo you, mo kpaa ma m ongo i.

Yesaia 53:1

Ka an je nan ne kwagh u i pase se la jighjighii? Man i pase uwegh ku TER hen ana?

Yesaia 53:10

Nahan kpaa lu ishima i TER je u vihin Un iyol; A haa Un angev iyol kpaa; shighe u Una gema iyol Na Una na nagh sha mi sha ci u isholibo yô, Una nenge a tsombor Na; Una tsa sha won, man á kpe kwagh u TER A ver ishima sha mi la iyol sha uwegh Nagh;

Yesaia 58:11

TER kpaa Una hemen we gbenda gbem zan zan je, Una na uma wou una ide ken ajiir a ombor, Una taver akuhe ou; nahan wea hingir er ka sule u i ur u mngerem yô, man er ka imbor i i om mngerem mayange ga yô.

Yesaia 61:11

Gadia er inya ka i due a akaa a menden a i man er sule kpaa ka u na akaa a i lee ken u a mende nahan, kape Ter AÔNDO Una na perapera man iwuese vea due sha ishigh ki akuraior cii la.

Yesaia 9:7

Mseer u tarkuran kua bem vea lu a ikighir je ga, sha ikônough ki torough ki Davidi man sha tartor na kpaa, sha er á ver u dông u̱ lu taveraa sha ijirôron i vough kua sha perapera, hii hegen je zan zan gbem sha won. Gbashima u TER u akum a Sha una er kwagh ne.

Yeremia 31:12

Vea va man vea wa atsam sha igungu u Shion, vea sen gudu gudu hen mdoom ma TER, hen alakema man zar u wain, man hen mkurem, man hen agum a iyôngo man a ibua; uma ve una hingir er sule u i urun u mngerem yô, vea kera shi lu gbuu mayange je ga.

Esekiel 31:6

Inyon i sha cii wa aya a i sha agbaa a na; shin agbaa a na, inyam i toho cii mar ônov vev; shin mure na, akuraior a vesen cii tema.

Daniel 4:12

Ika i u doo u nengen, atam a u ngee; u lu a kwaghyan sha ci u ior cii; inyamtoho zuan a mure shin itine i u, inyon i sha teman sha agbaa a u, man hanma kwaghuma cii zua a kwaghyan sha u.

Daniel 4:21

u ika i u i doo u nengen, man atam a u kpaa a ngee, u lu a kwaghyan sha ci u ior cii, u inyamtoho i tem shin itine i u man inyon i sha kpaa i tem sha agbaa a u la, yô,

Sekaria 2:11

Akuraior kpishi aa va zua a TER sha iyange la, aa hingir ior Av, Mo kpaa Me tema ken atô wou; tsô ú fa er i lu TER u akum a Sha A tindim her a we yô.

Mateu 17:20

Yesu kaa a ve er: Ka sha ci u myina u jighjigh wen u nan; gadia ka mimi je M kaan ne ne, aluer nea lu a jighjigh u nan sha inja i ishange i masetadi yô, ma ne kaa a uwo ne ner: Mough heen, hire keela, kpa ma u mough; man ma kwagh u ne fatyô u eren un ga yô, una kera lu ga.

Marku 4:30

A shi A kaa er: Sé kar tartor u Aôndo sha nyi, shin sé kar u sha injakwagh i nyi?

Luka 17:6

Tsô Ter kaa er: Nea lu a jighjigh u nan sha inja i ishange i masetadi yô, ma ne kaa a itine i sukamino ne ner: Môgh, i môôr we shin zegemnger! Kpa ma i rumun imo yen.

Aerenakaa A Mbaapostoli 2:41

Mba ve rumun kwaghôron na la i er ve batisema; sha iyange la i seer ior er dubu utar nahan.

Aerenakaa A Mbaapostoli 21:20

Ve kpaa er ve ungwa yô, ve civir Aôndo; ve kaa a na er: Nenge anmgbian, hen Mbayuda yô, ior mba dubu imôngo je, mba ve ne jighjigh yô, mba veren ishima sha atindiakaa tsung.

Aerenakaa A Mbaapostoli 4:4

Mba ve ungwa kwaghôron la yô, mbagenev kpishi na jighjigh, iyenge ve kuma er dubu utaan nahan.

Mbaromanu 15:19

man sha agee a uivande man akaa a kpilighyol man sha agee a Icighan Jijingi kpaa. Nahan hii ken Yerusalem ningir zan zan ar ken Ilirikum m ôr Loho u Dedoo u Kristu m tser.

Mpase U Yohane 11:15

Ortyom u Sha u sha utaankaruhar kpaa tôngo, tsô i ungwa uzegembaamoov Sha, ve kaa er: Tartor u shin tar hingir u Ter wase man u Kristu Na ve, Una tema tor gbem sha won.