Luka 12:9 - ICIGHAN BIBILO

⁹ Kpa u nana nyiman Mo sha ishigh ki iorough yô, á nyiman nan sha ishigh ki mbatyomov mba Aôndo kpaa.

Luka 12:9 Iomraidhean Croise

Mateu 10:33

Kpa hanma or u nana nyiman Mo sha ishigh ki iorough yô, ka di nan je Me nyiman nan sha ishigh ki Terem u A lu Sha kpaa ye.

Mateu 25:12

Kpa a gema a kaa er: Mimi je, m kaan ne ne, m fa ne ga.

Mateu 25:31

Kpa zum u Wan u or Una va sha iengem Na a mbatyomov mba Shaav cii a Na imôngo yô, zum la Una tema sha ikônough Nagh ki torough ki engem la;

Mateu 25:41

Tsô Una shi Una gema Una kaa a mba ve lu ken uwegh Nagh ku imesegh la er: Yem nen heen kera, ne mba i we ne ifan, yem nen ken usu u tsôron u i keer sha ci u diabolo a mbatyomov nav la.

Mateu 7:23

Tsô Me kaa a ve Mer: Mayange je M ngu a fa ne ga, yem nen heen kera, ne mbavendan atindi mban.

Marku 8:38

Gadia hanmô u nana cia ashe sha ci Wam man akaaôron a Am hen kov u eren idya man u asorabo ne yô, Wan u or kpaa Una cia ashe sha ci u nan zum u Una va sha icivir i Ter Na a uicighanmbatyomov la.

Luka 15:10

Me kaa ne, kape m-ember una lu sha ishigh ki mbatyomov mba Aôndo sha ci u orsholibo môm u nan gem ishima la.

Luka 22:57

Kpa a nyiman a kaa er: Kwase, m fa Un ga!

Luka 9:26

Gadia anti or u nan cie ashe sha ci Wam kua akaaôron Am kpaa yô, Wan u or kpaa Una cia ashe a Ter Na sha ci u nan, zum u Una hide sha iengem Na man i Ter man i uicighanmbatyomov kpaa.

WASHIKA U SHA UHAR U PAULU APOSTOLI TINDI HEN TIMOTEU - 2TI 2:12

Aluer se wa ishima yô, sé ya tor a Na imôngo. Aluer se nyiman Un yô, Un kpaa Una nyiman se.

1 Yohane 2:23

Hanma or u nan nyiman Wan la, Ter kpaa nan ngu a Na ga; u nan pasen Wan ken igbar yô, nan ngu a Ter kpaa.

1 Yohane 2:28

Hegen yô, mbayev av, lu nen ken a Na sha er, aluer á va pase Un yô, sé lu vangertiôr, kunya u̱ de ker se sha ishigh Nagh sha m-ande Na la ga.

Mpase U Yohane 3:8

M fa aeren a ou. Nenge, M ver hunda ivegher sha ishigh you, ma or nana fatyô u sendan u ga. Gadia u ngu a anagee kpeghee, kpa u kusu kwaghôron Wam, u kera nyiman iti Yam ga.